పుట:ప్రబోధచంద్రోదయము.pdf/214

⁠

జాలుఁ జాలు నింక విషయసంగ మనుచు మధుపతిన్ జాల దిక్కరించె ననిన శాంతి సంతసంబునన్.

⁠ 63

క.⁠

జననీ నామదిలోపలి మనికిత మంతయును బాసె మఱి యెచ్చటికిన్ జనియెద వన జీవేశ్వరుఁ డనుపంగ వివేకుఁ బిల్వ నరిగెద ననినన్.

⁠ 64

ఆ.⁠

నన్ను నవ్వివేకనరనాథుఁ డుపనిష త్తురుణిఁ బిల్వ నంపెఁ దల్లి నీవు నతనిఁ బురుషునొద్ద కతివేగఁ దోతెమ్ము తెత్తు నేను నుపనిషత్తు వెదకి.

⁠ 65

క.⁠

అని శాంతిశ్రద్ధలు తమ పనులకుఁ జని రంత జీవపతి యాత్మగతం బున విష్ణుభక్తిమహిమకు నెనలేదని చొక్కి చొక్కి యిట్లని పలికెన్.

⁠ 66

సీ.⁠

అసదృశక్లేశోర్ము లన్నియు దాఁటితి                           ధృఢమమత్వములను దెరలఁ బడక తప్పించుకొంటి నుద్యత్క్రోధబాడబ                           జ్వలనసముద్భటజ్వాలమునకు విడిపించుకొంటి నక్కడకక్కడకు నడ్డ                           పడెడి తృష్ణాలతాబంధనములు పుత్రపౌత్రకళత్రమిత్రవక్రగ్రహ                           మర్మగగ్రంథులు మాన్చుకొంటి

⁠

గీ.⁠

ఘోరసంసారవారిధితీరమునకుఁ జేరితిని గాన నింక నే సిలుగు లేదు నాకు నొడగూడె నిర్భరానందలీల బాపురే విష్ణుభక్తి కృపాగుణంబు.

⁠ 67