పుట:ప్రబోధచంద్రోదయము.pdf/212

కందగర్భితమణిగణనికరము

⁠

కలికి యొకతె యలకము లలిబలమున్ బలె నలిక తలముపయిఁ గడలుకొనన్ గలకల నగియెడు కనుఁగవతళుకుల్ తళతళ మెఱయఁగఁ దను బలుకుటయున్.

⁠ 56

సీ.⁠

పోవుచో నప్పు డప్పురుషుని యెదుటఁ గ                           న్పట్టె సిద్ధాహ్వయపట్టణంబు కనకసైకతరత్నకలహంససంసదా                           నందితరమణీయనదులతోడ మరకతచ్ఛాయకోమలదళప్రచ్ఛన్న                           వాచాలశుకవనవాటితోడ సౌధకక్ష్యాంతరసంచారపాంచాలికా                           సమయువతిసంఘంబుతోడ

⁠

గీ.⁠

సృమరహిమవారిధారాగృహములతోడ భ్రమరసంకులకమలాకరములతోడ విమలినవిధుకాంతమణికుట్టిమములతోడ సమదమాయూరశైలకుట్టిమములతోడ.

⁠ 57

వ.⁠

అ ట్లతిమనోహరంబును నానారత్నమయంబునునై యింద్రచాపనిర్మితం బునుం బోలెనున్న యప్పురంబు ప్రవేశించునప్పు డుప్పరిగల మీఁద నుండి తనమీఁద నవ్వులుం బువ్వులుం జల్లు విద్యాధరపల్లవాధరలను హరి వాణంబుల నిల్పిన రత్నంపుంగళుకులఁ గన్నులతళుకుల నివాళించుయక్ష పద్మాననలను సరిలేనిరూపుల కోపుల నటించు నచ్చరమచ్చెకంటులను దమ కోమలశరీరసంపదలం బొదలు వీణెలమేళనంబులు సమేళంబులు నెఱుపు గంధర్వచందనగంధులను విలోకించుచు వివిఢవితానతోరణప్రసవ మరందబిందుతుందిలేందిందిరం బైనరాజమందిరంబు ప్రవేశించె నంత.

⁠ 58