పుట:ప్రబోధచంద్రోదయము.pdf/205

గీ.⁠

నతిరహస్యంబు చెప్ప రా దన్యజనుల కైనఁ గానిమ్ము నీవు శోకాతురుండ వగుట నుపదేశ మిచ్చెద నది యెఱింగి నిండుమనమున నిల్పి ధన్యుండ వగుము.

⁠ 32

లయగ్రాహి.⁠

నందకధరున్ ఘనపురందరమణిప్రతిము నిందిరమనోహరు ముకుందు హరిఁ గానీ చందనమరాళబిసకుందధవళాంగు గిరిమందిరు నుమారమణు నిందుధరుఁ గానీ పొందుగ సదా మససునం దలఁచియైనఁ జిర మంద మగుతత్పరముని దలఁచియైనం డెందములు పాపములు వడిం దొలఁగు ఘర్మమునఁ గుంది మడుగుం దదయ డిందుపడులీలన్.

⁠ 33

వ.⁠

తత్పరమబ్రహ్మానందసాధనంబులైన యంతర్లక్ష్యంబులు బహిర్లక్ష్యం బులు ననేకవిధంబులు గలవు. వానిలోని కొన్నియుత్తమంబుల నెఱిం గించెద మూలాధారంబున మొలచి షట్చక్రంబులఁ జించుకొని పెడతెరు వున వెడలి నిజశిఖాసంస్పర్శనంబునం గరంగిన చంద్రమండలసుధా ధారలు తదాధారాలవాలంబు నిండుచుండ నెడతెగని యెలమిం బెరుగ నాపరంజ్యోతిర్లతిక భావించుటయు హృదయకమలంబున నీవారశూక తనుతరంబై కనుపట్టు తేజంబను సువర్ణశలాకయందు భావనరత్నంబు గ్రుచ్చుటయు సహస్రదళకమలాంతరస్థితపరమాకాశంబుఁ దలంచు నప్పుడు పొడము ననాహతనాదంబు వినుటయు వెండియుఁ బురుషుఁడుం జెలువయుంగాని యనంతకోటిసూర్యాగ్నిచంద్రుల మించు తేజంబును బరిపూర్ణంబుగా సంస్మరించుటయు దృశ్యంబులన్నియు శూన్యంబులుగాఁ దలంచుటయు నిందులో నొక్కమార్గంబునం బడినఁ జాలు నతండ పర మేశ్వరుండు జిహ్వజిడ్డంటనికైవడి సంసారదోషంబు లతనిఁ బొరయవని సకలనిష్కళతత్వస్వరూపంబు తెలిపిన మనం బూఱడిల్లి కృతార్థుండ నైతినని సరస్వతీదేవిపాదంబుల కెరఁగి నిల్చినం జూచి యద్దేవి వత్సా!

⁠