పుట:ప్రబోధచంద్రోదయము.pdf/201

గీ.⁠

చేరి సంకల్పుఁ డప్పుడు సేదదేర్ప హృదయవల్లభయైన ప్రవృత్తి యెందుఁ బోయెనో యన నద్దేవి పుత్రశోక జనితవేదన నెదపడి సమసె ననిన.

⁠ 10

మ.⁠

కలకంఠీ! ననుఁ బాసి నీ వెఱుఁగ వేకాలంబు నే నిన్నుఁ బా సి లయంబందినయట్ల యుందు విధిదుశ్చేష్టాప్రభావంబునన్ నలినాక్షీ! నినుఁ బాసియున్ బ్రతుకుచున్నాఁడన్ గదా ప్రాణముల్ బలవంతంబు లటంచు నమ్మనసు నేలం దెళ్ళి మూర్ఛిల్లినన్.

⁠ 11

మ.⁠

చతురత్వంబున సేదదేర్ప మన సాసంకల్పుతో నాకు నీ హితముం జేయుము నీహితత్వమున నింకే "నుష్ట ముష్ణేణ శా మ్యతి" యన్ మాట నిజంబుగా హృదయశోకాగ్నిం జితిజ్వాలికా ప్రతతిన్ మానుపుకొందు నంచుఁ జితిఁ బేర్పంబంచె సంకల్పునిన్.

⁠ 12

క.⁠

అంతట డగ్గఱి యావే దాంతసరస్వతి మనంబు నడలింపుచుఁ బ్రా ణాంతవ్యవసాయం బిది యింతులకుంగాక నీకు నెన్నికయగునే!

⁠ 13

క.⁠

భావంబు లనిత్యము లని యీ వెఱుఁగవె? వినవె పెక్కు లితిహాసపురా ణావళులు పుట్టువునకుం జీవునకును లంకెయను విచారము వలదే.

⁠ 14

మ.⁠

శతకల్పాయువులైన పంకజభవుల్ శక్రాదిదిక్పాలకుల్ దితిజుల్ దివ్యమునీశ్వరుల్ వసువు లద్రిక్షోణివారాసులున్ శతకోటుల్ చనఁ బాంచభౌతికము పంచత్వంబునం బొందు ట ద్భుతమే బుద్బద మంబులం గలియదే దుఃఖింపఁగా నేటికిన్.

⁠ 15

క.⁠

లోకంబు లనిత్యములను లోకాంతరమైన తెలివిలో నిలుపదగున్

⁠