పుట:ప్రబోధచంద్రోదయము.pdf/199

ప్రబోధచంద్రోదయము

పంచమాశ్వాసము

క.⁠

శ్రీరమణీరమణీయవి హారసుధాపూర హారహరహసితయశో ధారాకుధరపటువ్యా హారవిజిత గంగమం త్ర్యనంతయ గంగా!

⁠ 1

వ.⁠

అవధరింపు మిట్లు విన్నవించిన శ్రద్ధావధూటిం గనుంగొని విష్ణుభక్తిమహా దేవి నీవలనం గామక్రోధాదులపరాజయంబు విని సంతోషం బింతంత యని చెప్పరాదు మనంబున నొక్కసందేహం బున్నది మహాహనంబున మోహుం డేమి యయ్యె ననిన సర్వేశ్వరీ దూరదృష్టి దూరశ్రవణంబులు మొదలయిన యోగోపవర్గంబులుం దాను నెక్కడ నడంగెనో కాని యడ పొడ గనరాడనిన విష్ణుభక్తి చింతానుషక్తస్వాంతయై యిది యొక్కటి మిక్కిలిం గొఱగామి యయ్యెనని యిట్లనియె.

⁠ 2

క.⁠

కేళ్లంగి వేసిన ట్లా త్రుళ్ళడమున మోహుఁ బట్టి తునుమాడక యీ పిల్లలఁ దునుముట కూఁకటి వ్రేళ్ళుండన్ ముసిఁడికొసలు విఱచుటగాదే.

⁠ 3

గీ.⁠

దండి గల్గిన బుద్ధిమంతుండు దనకు బలిమి కలిమియుఁ గొనసాగవలసెనేని శత్రువు ఋణంబుఁ జిచ్చు నెచ్చరికతోడఁ గడమవెట్టక కడముట్ట నడఁపవలయు.

⁠ 4

చ.⁠

అతఁడును బుత్రపౌత్రవిలయంబునఁ బుట్టినశోకవహ్నిచే వెతవడి ప్రాణముల్ విడువ వేఁడుచునుండె నటన్న వానికిన్

⁠