పుట:ప్రబోధచంద్రోదయము.pdf/190

⁠

రారా నెంతయు నొప్పుచున్న వవిగో రాజేంద్ర! సౌదామనీ రారజ్యద్ధవళాబ్దరాజిక్రియఁ దారావీథితో రాయుచున్.

⁠ 41

క.⁠

చంచలగరుదంచలమద సంచరదళి సంచయాతిసంఛన్నదళో దంచితసుమకంచుకితము లెంచఁ గొలఁదిగాక మించె నివె పూఁదోఁటల్.

⁠ 42

చ.⁠

సురనదిఁ దోఁగి నీరజరజోభసితంబు ధరించిరాలు క్రొ వ్విరుల శివార్చనల్ సలిపి వెంబడి వచ్చుమధువ్రతాళిఝం కరణముచేతఁ బాడి లతికాభుజముల్ కదలంగ నాడెడున్ బరిసరపుష్పితోపవనబంధురమంధరగంధవాహముల్.

⁠ 43

గీ.⁠

విద్యకైవడి ముక్తికి విడిది యగుచు నాత్మవిధమున నానందమైన యిచట నున్నసర్వేశునౌదలపిన్నచంద్రు నవ్వుచున్నది గంగ ఫేనములచేత.

⁠ 44

సీ.⁠

వీరు పో మనరాక విని భయభ్రాంతులై                           కామాదులెల్లను గలఁగఁబాఱి గుంపులు గుంపులు గూడుచు నున్నవా                           రనిన వివేకుండ నతనిఁ జూచి కానిమ్ము మనల మిక్కడఁ దేరు డిగ్గి య                           య్యాదికేశవదేవునాలయంబు చూత మీహరి పరంజ్యోతి యీకాశీలోఁ                           బ్రాణము ల్విడుచు పుణ్యాత్ములెల్ల

⁠

గీ.⁠

నితనిఁ గలియుదురని పెద్ద లెపుడుఁ జెప్పు చుందురనిపల్కి కాంచనస్యందనంబు డిగ్గి గుడి చొచ్చి యాదేవు డగ్గఱంగఁ జని వివేకుండు ప్రణమిల్లి వినయమునను.

⁠ 45