పుట:ప్రబోధచంద్రోదయము.pdf/191

దండకము.⁠

జయ జయ వినయానతేంద్రాది బృందారకశ్రేణి చూడామణీరాజి నీరాజితోపాంత పాదద్వయాంభోజ రాజన్నఖద్యోత విద్యోతిత స్వర్ణపీఠా నిరాఘాటమాయారుచి ద్వేషణాద్వైతవిభ్రాంతి సంతాన సంతప్త వందారు సంసారనిద్రాపహారైకదక్షా దినాద్యక్ష నక్షత్ర నాథార్క్ష విశ్వక్షమామండలోద్ధార వేళాకరాళోరుదంష్ట్రాగ్ర సంఘ ట్టనా విస్ఫురచ్ఛైలసంఘాత మాపాణి సంవాహరోమాంచ వజ్జంఘ మును పెనుఘనముల్ బలారాతి పంపంగ నేతెంచి వర్షంబు లొప్పంగ మంద ల్చలింపంగ జాతానుకంపం గడుంజిత్రమౌ లీలతో వేల గోవర్ధనచ్ఛత్రముం బట్టవే మట్టవే కాళియాహిస్ఫటల్ సగ్గుగా మ్రగ్గఁగాఁ గ్రోలవే పూతనాప్రాణముల్ శోణముల్ నీ భుజాచక్రధారాళికిం గైటభాకుంఠకంఠాస్థిజాలంబు లాలెంబు నీకున్ జగత్కంటకచ్ఛేదముల్ వేదముల్ గానఁగాలేవు నీపాదముల్ హాటకాక్షానుజుం బట్టిబిట్టల్కఁ క్రొవ్వాడిగోళ్ళ న్వడిం జించి చెండా డఁగాఁ బుట్టురక్తంపుఁబెన్నీటిలోఁ దెట్టువ ల్గట్ట నాదైత్యుప్రేవుల్ ప్రవాళంపుఁబ్రోవుల్వలె న్మించఁగాఁ జూచి గర్జించు నీపౌరుషో త్కర్షముల్ హర్షము ల్చేసెఁగా దేవతాకోటికిన్ మాటికిన్ లోక సంరక్షణార్ధంబు నీ విట్టిలీలావతారుండవౌ దింతియేకాక యాకా రము ల్నీకు లేవో నిరాకార పాల్కడలి వెడలి యేతెంచి లక్ష్మీచకో రాక్షి నీకంఠభాగంబున న్వైచు మాంగళ్యదామంబు నెత్తావి కేతెంచు లేఁదేఁటిదాఁటుల్ భవన్నీలదేహాచ్ఛవిచ్ఛాదిదచ్ఛాయలై ఝుంక్రి యై కానుమేయత్వముం బొందు గోవింద యాభక్తసందోహమున్ మోహనందేహముం బాపి భోధత్వముం జూపి రక్షించు మంచున్ బునర్నమ్రుఁడై.

⁠ 46

క.⁠

ఆకేశవుగుడి వెడలి వి వేకుఁడు పటమంటపముఁ బ్రవేశించి మహా నీకములు దారుకలిత ప్రాకారములోన విడిసె బహుశిబిరములన్.

⁠ 47