పుట:ప్రబోధచంద్రోదయము.pdf/189

సీ.⁠

కటితటీకటదానగంధభ్రమద్భృంగ                           భీకరకరిఘటాబృంహితముల భీషణవిద్వేషివేషియథోచిత                           వేషఘోటకఘోరహేషితముల ధనురాదివివిధాయుధధ్వజాధిష్ఠిత                           నిష్ఠురస్యందననిస్వనముల ఖడ్గమయూఖాంధకారితాశాముఖ                           వీరభటప్రోద్భటారభటులఁ

⁠

గీ.⁠

గాహళారవభేరిభాంకారములను గంచుకివ్యూహభూరిహుంకారములను బద్మజాండంబు బీటలు వారుచుండ దళదశంబులు చక్రతీర్థంబు వెడలె.

⁠ 37

క.⁠

అప్పుడు వివేకనరపతి ముప్పిరిగొను వేడ్క రత్నములటెక్కెములన్ విప్పగు రుచు లొగిఁ గుప్పలు గప్పెడు రథరాజ మెక్కి కదలెడువేళన్.

⁠ 38

చ.⁠

వెరవరి సూతుఁ డిట్లను వివేకుని దేవర! చూచితే ధరన్ గొరిజెలు మోపి యోపవనఘోటకము ల్వడిఁ బారుచున్న వం బరపథమం దమందరయ మందర ఘూర్ణితవార్నిధి ధ్వని స్ఫురణరథంబు మ్రోయఁగ రజోవిసరం బెడతెవ్వకుండఁగన్.

⁠ 39

క.⁠

చేరువ నిదె కనుపట్టెను వారాణసి సకలభువనపావనతటినీ వారిప్రవాహనిర్మల హారావృత యగుచుఁ జూడు మప్పురిసొబగున్.

⁠ 40

శా.⁠

ధారాయంత్రపరిస్ఫురజ్ఝరుల సత్కారాన్వితంబుల్ సుధా గారంబుల్ శిఖరస్ఫురన్మణిపతాకంబుల్ మహాసౌధముల్

⁠

.