అని పల్కి వేత్రవతీపురస్సరంబుగా సంతోషుండు వివేకుసమ్ముఖంబై
సాగిలి మ్రొక్కిన మహారాజు నతని నత్యాదరంబునఁ దనసమీపంబునఁ
గూర్చుండ నియమించి భవదీయప్రభావం బెఱుంగుదు దుర్జయుండగు
లోభుని భంజింప నీచేతంగాని కాదు గావున వేగ నాయితపడి కాశికానగ
రంబునకుఁ బైనంబు గమ్మనిన సంతోషుండు మహాప్రసాదంబని బహు
ముఖంబుల సంచరింపుచు ముజ్జగంబుల నిర్జించుచు దేవద్విజాతివధ
బంధనలబ్ధవృద్ధి యగులోభరావణునికి దాశరథి నయ్యెదనని ప్రతిజ్ఞ పలికి
చనియె నంతట వినీతవేషుండగు నొక్కపురుషుండు వచ్చి విజయప్రయాణ
మంగళద్రవ్యంబు లన్నియు సమకూఱె మౌహూర్తికనివేదితంబైన
ముహుర్తంబును డగ్గరె నని విన్నవించి తదనుశాసనంబునఁ బ్రస్థానపట
హంబు వ్రేయించిన.
