పుట:ప్రబోధచంద్రోదయము.pdf/155

⁠

యిందువలన నొప్పమేదైన వినవలె ననుచుఁ దానె చదువుకొనియె నిట్లు.

⁠ 52

సీ.⁠

శ్రీమతు వారణాసి మహాపట్టణ                           స్వామి రాజాధిరాజ పరమేశ్వ రుఁడు మహామహేశ్వరుని దివ్యపాదప                           ద్మంబులకును మానమదులు సద్వి నయభక్తిదండప్రణామంబు భక్తిఁ గా                           వించి చేయంగల విన్నపంబు తనతల్లిశ్రద్ధయుఁ దాను శాంతి వివేక                           భర్తకు నుపనిషద్భామినికిని

⁠

గీ.⁠

నడుపుచున్నది దౌత్యంబు విడువ కెపుడు కామసఖుఁడైన ధర్ముండుఁ గలయ మాట లాడె వైరాగ్యముఖ్యులతోడ నిది నిబద్ధి తప్పదు దేవరపాదమాన.

⁠ 53

క.⁠

అని చదువుకొనుచు మిక్కిలి కనలి మహామోహుఁ డాత్మఁ గటకట! లోకం బున శాంతికి వెఱతురే త జ్జననంబే మొదల లేదు సంశయమేలా.

⁠ 54

మ.⁠

నియతాత్ముండు విరించి భారతికి నెంతే చిక్కె దక్షాధ్వర క్షయకారీశుఁడు గౌరికౌఁగిటను జొక్కెన్ వార్ధిలోఁ గైటభా రియ లక్ష్మీయువతీకపోలమకరీరేఖాంకితోరఃస్థలుం డయి తక్కెన్ మఱి యున్నజంతువుల కాహా! శాంతి సిద్ధించునే?

⁠ 55

గీ.⁠

అనుచు విశ్వాసియగు ధర్ము నణఁగ నీవు పట్టి బంధించుమని కాముఁ బంపువెట్టి క్రోధలోభులు మీరును గూడి శాంతి గొట్టివైవుండు పొండనఁ గ్రోధుఁ డనియె.

⁠ 56