పుట:ప్రబోధచంద్రోదయము.pdf/134

మ.⁠

అవలేపంబున నన్నదమ్ము లగుమోహాదు ల్వివేకాదులున్ భువనైకాధిపతిత్వకాంక్షఁ దమలోఁ బోరాడి రేకామిషో ద్భవలోభంబునఁ బోరకుండరు గదా దాయాదులై మున్ను కౌ రవులుం బాండవులున్ ధరిత్రికయి హోరాహోరిఁ బోరాడరే.

⁠ 43

వ.⁠

జనకునిపక్షపాతమున సంతతమున్ బలవంతుఁ డైనమో హునిభుజవిక్రమంబునకు నోర్వఁగలేక వివేకుఁ డాజిలోఁ దనబలఁగంబుఁ దానును యదాయదలై చని వృత్రు కోడిపో యిన సురరాజుచందమున నెక్కడనో యణఁగుండె నంతటన్.

⁠ 44

వ.⁠

బలవదతివ్యూహ దురవగాహ కామ క్రోధ లోభాహంకారాది సహచరస న్నాహుం డగుచు మోహుండు విశ్వంబునం గలపురంబు లన్నియుఁ దనవశంబుగా నెదురు లేక సామ్రాజ్యంబు సేయుచు నొక్కనాఁడు పేరోలగం బుండి తనతమ్ముల విలోకించి వివేకాదు లక్కడక్కడం బొడ కట్టుట చారులముఖంబున నెఱింగితిమి. యింతట నిందులకుం బ్రతి చింతన చేసి వైరులపీఁచంబు లడంచుటకు మీకుఁ దోఁచిన యుపాయంబులు వినిపింపుం డనిన రతిసముత్తుంగకుచాంకితరోమాంచకంచుకితాంతుండును, మదఘూర్ణితాపాంగుండును సకలజగన్మోహనాకారాభిరాముండునగు గర్వంబున నిట్లనియె.

⁠ 45

క.⁠

తగ వెరుసుమాట చెప్పెద మగువలచంచలకటాక్షమార్గణజాలం బు గెలువఁ దాఁకినఁ దాఁకవె జగతిం గోవిదులమతులుఁ జదువులుఁ దెలువుల్.

⁠ 46

వ.⁠

అదియునుంగాక.

⁠ 47

మ.⁠

అలిగీతంబులతోడిపుష్పలతలున్, హర్మ్యంబులుం జందనా చలమందానిలకందళంబులును, వాసంతంబునుం బండువె న్నెలలుం గాంతలు నాకు నమ్మినబలానీకంబులై యెల్లచో టుల నుండగ వివేక మెట్టొదవుఁ బుట్టున్ బోధ మెబ్భంగులన్.

⁠ 48