పుట:ప్రబోధచంద్రోదయము.pdf/133

కథాప్రారంభము

సీ.⁠

అనుపమజ్యోతిర్మయంపుఁగోటలు చుట్టు                           రాజిల్లుచుండు నేరాజధాని సరిలేని యమృతంపుఁబరిఖ లేపట్టణం                           బున నగాధంబులై తనరుచుండు మరి సాటిలేని నైర్మల్యంపుమేడ లే                           వీట మిన్నులకును మీదుమిగులు ప్రతిలేని సహజసౌరభ్యంపుఁదోఁట లే                           పుటభేదనంబునఁ బొలుపు మీఱు

⁠

గీ.⁠

సంతతరిరంసపరమహంసప్రమోద కారణమహావికస్వరకమలచక్ర పూర్ణసదమలసరసు లేపురమునందుఁ గ్రందుకొనుచుండు నాచిదానందనగరి.

⁠ 39

క.⁠

పాలింపుచు నఖిలమునకు నేలికయై రాజు మెఱయు నీశ్వరుఁ డనఁగా నాలోకవిభుఁడు మాయా నీలాలకవలన మన సనెడు సుతుఁ గనియెన్.

⁠ 40

ఆ.⁠

ఆమనోభిధానుఁ డఖిలజగంబులు గలుగఁజేయఁ దానె కర్త యగుచు మత్తకాశినులఁ బ్రవృత్తి నివృత్తుల బ్రేమ వెలయఁగాఁ బరిగ్రహించె.

⁠ 41

క.⁠

మునుపుగఁ బ్రవృత్తివలనం గనియెన్ మోహాదిసుతులఁ గలుషాత్మకులన్ వెనుకను నివృత్తివలనం గనియె వివేకాదిసుతుల గతకల్మషులన్.

⁠ 43