పుట:ప్రబంధరత్నాకరము.pdf/173

తారలు

నందితిమ్మన – పారిజాతము [2-37]

సీ.⁠

కార్కొన్న కటికచీఁకటిమొగు ల్మొత్తంబు               గురిసిన వడగండ్లగుంపు లనఁగఁ గవజక్కవలు వాయఁ గరనాళములఁ జందు               రుం డూఁదు పటికంపుటుండ లనఁగ నెల్లెడఁ జదలేటియిసుమున నచ్చర               కొమ లిడ్డ వెన్నెలకుప్ప లనఁగ[1] దెలివివెన్నెల వెండితీవెలు నిగిడించు               చదలు కమ్మచ్చుబెజ్జము లనంగ

⁠

తే.⁠

జగము గెల్వంగ దండెత్తు మగని మీఁద లీల రతి చల్లు దీవనఁబ్రా లనంగ వెండివెలుఁ గెండఁ గ్రాఁగిన విన్ను మేన నెక్కొను చెమటబొట్లు నాఁ జుక్క లమరె.

⁠ 93

శ్రీనాథుఁడు - శృంగారనైషధము [8-161]

సీ.⁠

చుక్కలో యివి? గావు సురలోకవాహినీ               విమలాంబుకణకదంబములు గాని తారలో యివి? గావు తారాపథాంభోధి               కమనీయపులిన[2]సంఘములు గాని యుడువులో యివి? గావు మృడునంబరమ్మునఁ               దాపించినట్టి ముత్యాలు గాని రిక్కలో యివి? గావు రే[3]చామ తుఱుముపైఁ               జెరివిన మల్లెక్రొవ్విరులు గాని

⁠

తే.⁠

యనుచు లోకంబు సందేహ మందుచుండఁ బొడిచె బ్రహ్మాండపేటికాపుటకుటీర చారుకర్పూరఫాలికాసంచయములు మెండుకొనియుండె నక్షత్రమండలములు.

⁠ 94

బొడ్డపాటి పేరయ్య – శంకరవిజయము

సీ.⁠

సంజప్రొద్దున నాట సలుపు నంబరకేశు               తలయేటి జలకణతతు లనంగ రజనీవధూద్విజరాజుల పెండ్లి కే

⁠

1. క.“చలికొండయల్లుండు సంజకేళికవేళ - చల్లిన పువ్వుదోయి ళ్ళనంగ” అని మూఁడవపాదము తర్వాత అదనముగ కలదు.
2. క.శంఖములు
3. క.భామ