శ్రీనాథుఁడు – కాశీఖండము [2-73]
| మ. |
పసుపుంగుంకుమకజ్జలంబులును గూర్పాసంబు తాంబూలమున్
గుసుమంబుల్ గబరీభరంబు చెవియాకుల్ మంగళాలంకృతుల్
విసు పొక్కింతయు లేక తాల్పవలయున్ వీనిన్ సదాకాలమున్
ససిఁ జక్కంగఁ బ్రియుండు వర్ధిలుటకై నాళీకపత్రాక్షికిన్.
| 143
|
పిల్లలమఱ్ఱి వీరయ – శాకుంతలము [4-81]
| చ. |
తెఱవకు వల్లభుండు పరదేశము వోయిన వన్నె మాని తా
నఱితికి నల్లఁబూసలును నచ్చత బొట్టును మట్టి వన్నెగా
గుఱుమణుగైన పుట్టమును గూడఁగ దువ్వని మైలకొప్పునై
మఱువడి యింటిలోఁ బతిసమాగమనంబు మతింపుటొప్పగున్.
| 144
|
ఘటకాశి మల్లుభట్టు - జలపాలిమాహత్మ్యము
| సీ. |
అత్రిమునీశ్వరుం డడవి కేఁగినవేళ
హరిహరబ్రహ్మలు ధరకు వచ్చి
యనసూయవర్తనం బరయఁ దలంచి వా
రతిథులై యాహార మడిగినంత
నవుగాక యని వేగ యన్నపానాదులు
వడ్డింపఁదలఁచుచో వారి కోర్కె
తప్పకుండఁ బతివ్రతాప్రభావంబున
నకళంక యగుచు బాలకులఁ జేసి
|
|
| తే. |
యంబరము లూడ్చి సకలపదార్థములను
పాత్రములఁ బెట్టి తొంటి రూపము లొనర్చి
సంతతం బంది తత్తదంశముల సుతుల
వరము లందెను నది పతివ్రతల మహిమ.
| 145
|
అభ్యంగనము
ముక్కు తిమ్మయ్య – పారిజాతము [2-9]
| ఉ. |
కంపనలీలమై నసదుఁగౌ నసియాడఁ గుచద్వయంబు న
ర్తింప లలాటరేఖ చెమరింపఁగ హారలతాగుళుచ్ఛముల్‌
తుంపెసలాడఁ గంకణమృదుధ్వని తాళగతిం జెలంగఁగా
సంపెఁగనూనె యంటె నొకచంద్రనిభానన కంసవైరికిన్‌.
| 146
|
| మ. |
కొనగోరుల్ దలసోఁకఁ జన్నులమెఱుంగుల్ దిక్కులం [1]బర్వ న
ల్లన వేఁ గౌను వడంకఁ గంకణము లుల్లాసంబుగా మ్రోయ న
|
|
- ↑ క.జెంద
