పుట:ప్రబంధరత్నాకరము.pdf/10

⁠

హరితపవిత్రగోత్రుఁడగు నబ్బురిలింగన కూర్మిపుత్త్రి సు స్థిరగుణధాత్రి చానమ నశేషశుభాంచితగాత్రి నుర్వరన్.

⁠ 13

చ.⁠

సతతము సజ్జనార్థిబుధసన్నుతులై విలసిల్లునట్టి దం పతులకు నుద్భవించితిమి పంకజనాభు కృపాసమృద్ధిచే ధృతి నమరాద్రితుల్యులగు తిమ్మయమల్లయలున్ సమున్నత స్థితిఁ గవిమిత్రబాంధవవిధేయుఁడ జగ్గనమంత్రివర్యుఁడన్.

⁠ 14

వ.⁠

అందగ్రజుండు.

⁠ 15

శా.⁠

భారద్వాజనితాంతగోత్రుఁడని చెప్ప న్మించు [1]నాఁ దాడెపల్ సూరామాత్యుని పుత్త్రి నమ్మనను సంశోభాంగి నుద్వాహమై సారోదారుఁడు తిమ్మమంత్రి గనియెన్ సత్పుత్త్రులన్ [2]వెంగనన్ గారామొప్పఁగఁ గొండమంత్రిమణి నా గంగయ్యచానార్యులన్.

⁠ 16

వ.⁠

తదనుజుండు.

⁠ 17

తే.⁠

లలి భరద్వాజగోత్రుఁడౌ వెలగలేటి కొండనామాత్యశేఖరు కూర్మిపుత్త్రి వసుధ రామాంబఁ బెండ్లియై వల్లమంత్రి మదనసమమూర్తి సింగనామాత్యుఁ గనియె.

⁠ 18

సీ.⁠

శాశ్వతవిక్రమైశ్వర్యసంపదలందుఁ               గపికేతు వృషకేతు గరుడకేతు భుజబలకారుణ్యభూరిప్రతిజ్ఞుల               బలరాము రఘురాముఁ బరశురాము సత్కావ్యవితరణసౌందర్యములయందు               బాణుఁ బన్నగబాణుఁ బ్రసవబాణు ఘనతరమాన[3]సకాంతి పెన్నిధులందు               రారాజు ద్విజరాజు రాజరాజు

⁠

తే.⁠

సాటి సేయంగఁ దగు [4]సప్తజలధివేష్ఠి తావనీచక్రరాజసభాంతరముల రమ్యతరభాగ్యగుణశాలి రామప్రెగడ మంత్రిగంగయవల్లనామాత్యువరుని.

⁠ 19

వ.⁠

తదనుసంభవుండు.

⁠ 20

సీ.⁠

శ్రీపెదపాటిపురీ[5]బాలగోపాల               కృష్ణప్రసాదితశ్రీల వెలసి ఘనవైష్ణవమతజ్ఞ కందాళ తిరుమలా               చార్యకృపాకటాక్షమున నలరి

⁠

1. క. నాదాడేపల్, నాదాతెపల్
2. క. వెంగలిన్, వేంగనన్
3. క. సత్కార
4. ట. చతుర
5. క. పాల