పుట:పాంచాలీపరిణయము (కాకమాని మూర్తి).pdf/7

6

పాంచాలీపరిణయము

⁠

బాడఁ బాడ మనంబులీఁదగిన సమ్యగ్గాయనగ్రామణుల్ వాడన్వాడ గణింపనొప్పుదురు కేవల్ గుప్పు నాప్రోలునన్.

⁠

శా.⁠

కాంపిల్యప్రమదామణుల్ మణిశలాకారూపరేఖాకళల్ శంపావల్లిమతల్లికాతనుశిరీషల్ పూర్ణిమాసక్తన క్తంసాకంపపరంపరాదవదనల్ కారుణ్యనైపుణ్యసూ ర్యంపశ్యద్ధృతమధ్యకార్శ్య లఖిలశ్యామాభిరామాకృతుల్.

⁠

క.⁠

అమ్మేటికోట పట్టుం, గొమ్మయగుం బొడవునకుఁ గొమ్మలపై లేఁ గొమ్మల జేజేమ్రాఁకుల, కొమ్మలకొననున్న విరులకోఁతలె గుఱుతుల్.

⁠

క.⁠

అప్రోలు చెప్పనొప్పగు, నప్రోలూఖలఖలారి వరధాన్యహతి క్షిప్రకరముసలవిసరా, బ్జప్రద్యోతనకులాధిపప్రకరంబై.

⁠

చ.⁠

ద్రుపదుఁడు రాజు తత్పురికిఁ దుందిలధృత్యధరీకృతామర ద్రుపదుఁడు నమ్రదుర్మదవిరోధిశిరోధిమణీఘృణీస్ఫుర ద్వపదుఁడు చక్రవాళపరివేష్టితభూభువనార్థిసైంధవ ద్విపదుఁడు శాశ్వతాత్మశమభిద్విపదుండు నృపాలమాత్రుఁడే.

⁠

క.⁠

ద్రోణాచార్యుల సమర, క్షోణిని నిర్జించునట్టి సుతు వాసవభూ పాణిగ్రహణార్హం గ, ళ్యాణిఁ దనూజాతఁ గాంతునని యతఁడంతన్.

⁠

శా.⁠

గంగాతీరము చేరి యాద్రుపదభూకాంతుండు కాంతారవా సుం గళ్యాణగుణాఘృణాంబునిధి యాజుంగోరి యాచార్యవ ర్యుం గావించి సమస్తసంయములు పేర్కోఁ బుత్రకామేష్టి చే యంగా సాంగసమాహుతి గ్రహిళమౌ నాహెూమకుండంబునన్.

⁠

శా.⁠

జ్వాలాభీలవిశాలదేహుఁడు మహాచాపాసిభాస్వత్కిరీ టాలంకారుఁడు వర్మధారుఁడు శతాంగారూఢుఁడై పుత్రుఁ డ క్కీలింబోలి జనించె వెంటనె మృగాక్షీరత్న మత్యుల్లస ద్బాలేందూసమఫాల బాలనికసత్పద్మాస్య జన్మింపంగన్.

⁠

క.⁠

ఇంచిన వేడుక నపు డుద, యించిన సుత కృష్ణ సుతుఁడు ధృష్టద్యుమ్నుం డంచు నశరీరవాణి వి, రించిసముల్ మెచ్చ నుచ్చరించె నిజేచ్ఛన్.

⁠

గీ.⁠

యజ్ఞహుతవహ్ని జనియించు యాజ్ఞసేని, సంజకడమబ్బు నడుచక్కిచంద్రలేఖ చిగురుక్రొమ్మావి చేరిన చిన్నిచిలుక, నిచ్చలపుఁగెంపుతాళిలోఁ బచ్చవోలె.

⁠

క.⁠

ఆక్షితిపతి యాజునకున్, దక్షిణ ధేనువుల లక్ష దయచేసి ప్రజన్ రక్షించి సుతుల నిద్దఱ, వీక్షించి ప్రమోదలహరి విహరించె రహిన్.

⁠