పుట:పాంచాలీపరిణయము (కాకమాని మూర్తి).pdf/36

చతుర్థాశ్వాసము

35

⁠

కాటుక దీర్పరే యెరకగన్పడఁ జెందురుకావి గట్టరే గాటపుగబ్బిగుబ్బచనుకట్టులఁ జేర్పరె హారవల్లరుల్.

⁠

సీ.⁠

బాగాయెఁగా కెంపుపాపటబొట్టుతో గొనబుముత్తెపుఁగుచ్చు వనితనొసల చెలురాయెఁగా జంట చెంగావిరవికతో సరులిచ్చు మకరికాస్తనభరంబు రంగాయెఁగా రత్నరశనతోఁ గావిచొక్కపుపావడదుకూలకటితటంబు నలువాయెఁగా రణన్మణినూపురములతో నపరంజిమట్టె లాక్షాంఘ్రియుగళి యమ్మ యిమ్ముద్దుగుమ్మ కేసొమ్మొకింత, నెమ్మెయి నలంకరింప నీనిలువు నూరు బండినటువలె నున్న దీపాండుసూను, పంచకము భాగ్యమౌకారౌర పడఁతులార.

⁠

మ.⁠

అనుచో వృద్ధపురోహితుండొకఁడు డాయంబోయి మీపాటలం దినెరుల్ దువ్వుచుఁ గొప్పుఁ బెట్టుచుఁ దుది న్నిందించు నీయంచు ము ట్టనిసింగారము లేఁది లగ్న మిదిగో డాసెన్ మహోగ్రుండు రా జునయో నిన్ను నెఱుంగరా కదలుఁడంచుం బండ్లుగీటెన్ వడిన్.

⁠

చ.⁠

బిసరుహలోచనామణిని బెండిలితిన్నియఁ జేర్ప దుప్పటిన్ ముసుఁ గొనరించుఁడీ నొసలిముంజెఱఁ గించుక వంచిపట్టుఁడీ బిసబిగఁబోక యొయ్య నడపింపుఁ డరుంగుమెఱుంగుమెట్టికల్ మసలిక నెక్కుఁ డెచ్చరిక మచ్చిక నిల్పుఁడు భద్రపీఠికన్.

⁠

గీ.⁠

వెలఁది కదలారతికి నెంతవేగిరంబు, క్రొత్తముత్తెంబులనివాళి యెత్తరాదె గౌరికల్యాణమున కేమి కంతుఁ గన్న, తల్లి ధవళంబు పాడరాదా లతాంగి.

⁠

గీ.⁠

వెలఁది వీడెంబు పసవెట్ట వేళ లేదె, ధవళమనుమన్న వదనాబ్జధవళమునను నీవు నీవంచు నెలగ మొగంబేల చూడ, సిగ్గుపడనేల మగవారిచెంత ననుచు.

⁠

శా.⁠

నీకేవచ్చు సువాలయుంధవళ మింతీ యల్లోనేరేళ్ళు గౌ రీకల్యాణములంచు నింటికడ నేరీతిన్ విజృంభింతువే నాకీవిచ్చటనంచు నిద్దఱుసతుల్ వాక్యోపవాక్యంబులన్ గాకై ముందలపట్లకుం దొడఁగి రాకల్యాణవేదిస్థలిన్.

⁠

ఉ.⁠

అఝ్ఝమలోచనల్ పలుకునప్పుడు విప్రులు హోమ వేళ మీ రొఝ్ఝులు రండు రెండు సమిధోత్కర మీయవధానీ బ్రహ్మయీ యఝ్ఝములోన యాపససయన్న వశిష్ఠులు మీరు శ్రౌతమం దఝ్ఝరెయంచుఁ బంచుకొనిరందఱు వేల్చుచు ద్రవ్యదక్షిణల్.

⁠

క.⁠

మిహరాసిత గురుబుధకవి, మహికాంశుక రాహుకేతు మహిసుతు లనుచున్ గ్రహియించెన్ ధనము నవ, గ్రహనెపమున విప్రరాజరాజులచేతన్.

⁠