పుట:పాంచాలీపరిణయము (కాకమాని మూర్తి).pdf/32

తృతీయాశ్వాసము

31

క.⁠

బాలా యేలా యేడ్చెద, వీలాగున వచ్చు టేమి యెవ్వతె వనది క్పాలక నాతెఱ గెఱుఁగం, జాలిన నావెంట నింతఁజను దెమ్మనియెన్.

⁠

వ.⁠

ఇట్లు రమ్మన నమ్మఘవుండు మగువ పిఱుందన చనిచని.

⁠

ఉ.⁠

ముందఱఁ గాంచె దిగ్రమణముఖ్యుఁడు వారుణవేషభాషణున్ మంధరకంధరాకనకమందిర మధ్య వితర్ద్య మంద పౌ రందర నీలకందర ధురంధర సింధురవైరి పీఠ వా సేందుకళాకలాపు హృదయేశ్వరితోడను నెత్తమాడఁగన్.

⁠

క.⁠

కాంచి వరుణుండు కాఁగఁద, లంచి పలికె వజ్రి నాబలం బెఱిఁగియు నీ కాంచనపీఠికపై వ, ర్తించి చలించవు నమస్కరించ వయారే.

⁠

ఉ.⁠

కన్నులు వేయి చేయిగురు కైదువు వజ్రము రాజ్యమంటిమా యన్నిటికెక్కు డక్కజపుటాజియుఁ గొండలతోడి దీగియున్ మున్నె సుపర్వశాఖి గజముంజవుదంతి సురల్ భటాలి నా కన్నఁగలాఁడె యొక్కఁడు మహాత్ముఁ డహంకృతి నీకు నర్హమే.

⁠

మ.⁠

అనినన్ రుద్రుఁడు రౌద్రవీక్షత సహస్రాక్షు న్నిరీక్షించి యొ య్యన నెయ్యంబున నెత్తమాడఁగ మదీయక్రీడ వారించె నీ తని నోయుగ్మలి పట్టి తెమ్మనినఁ దత్కన్యాకరస్పర్శనం బున ధాత్రింబడి చేష్టదక్కినను శంభుం డింద్రుతో నిట్లనున్.

⁠

వ.⁠

అఖండలా యఖండ లాఘవాలాపంబులం గోపంబు పుట్టించితి దిట్టవేని గట్టితనం బేర్పడ నిప్పర్వతశిఖరంబుఁ బెరుకుమన్న మొదటియెఱుకు నానతిం చా నతిత్వరిత గతి శిఖరంబంటి మార్తాండచండకిరణంబులు రెండువిధంబులై యుండుటం జేసి యాత్మసమానుల నలువురంజూచి యేలొకో యి ట్లేను నేనువిధంబులయితినం చు నచ్చెరుపడియున్న వియచ్చరవరులం గాచి పంచముఖుండు మనుజయోనిం బుట్టుం డని పంచె వారును వైవస్వతశ్వసనపాకశాసనాశ్వినులు తమకు నాధారవర్తులుగా ధర్మజభీమార్జుననకులసహదేవులనఁ బుట్టిరి మఱియుఁ జతుర్ముఖప్రార్థితుం డైన యచ్యుతు సితాసితకచద్వయంబులు బలభద్రకృష్ణులై దేవతాహితార్థం బుద్భవించిరి వారికి వాసుదేవుండు సహాయుండయ్యె నయ్యింద్రులకు నేకపత్నిగాఁ దపంబాచ రించి త్రిమూర్తియైన పాంచాలి హోమకుండంబునం బుట్టెనని చెప్పి నమ్మవేని యిప్పుణ్యుల పూర్వకాయంబులు చూడుముని ముని దివ్యదృష్టి యిచ్చి చూపిన రమ ణీయమణికుండల గండమండల మౌళితటఘటిత హాటక మకుటహరిదశ్వ వైశ్వా నర వర్ణ వర్ణనీయదేహుల నాజానుబాహుల ధీరుల నేవురను వారికిఁదగిన సౌంద

⁠