పుట:పద్మపురాణము (మడికి సింగన).pdf/85

ఉత్తరఖండము-ద్వితీయాశ్వాసము

53

వ.⁠

అది యెట్లంటేని.

⁠ 51

క.⁠

ఒక తరువున బహువిధముల శకుంతములు [1]గూడి విడియు చందంబునఁ బు త్త్రకళత్రాదులఁ గూడుదు రొకనెలవునఁ బాసిపోదు రూరక పిదపన్.

⁠ 52

ఆ.⁠

ఎవ్వఁ డెట్టిభంగి నేకర్మ మొనరించు నట్లు కర్మఫలము లనుభవించుఁ గాన వారి వారి కర్మఫలంబులు కమలభవునకైనఁ గడవరాదు.

⁠ 53

వ.⁠

అట్లు గావున.

⁠ 54

ఆ.⁠

అన్న యనుచు నీకు నడ్డంబుఁ [2]గాఁ జన దతనిపాతకమును నతఁడు వొంది నరకగామి యయ్యె సురలోకపదము నీ కబ్బె నిట్లు సుకృతివైన కతన.

⁠ 55

క.⁠

అనిన వికుండలుఁ డిట్లను ననఘా! నా జన్మమెల్ల నన్యాయము చే యనకాని యొక్క పుణ్యము [3]నెనయఁగ నేఁ జేసి యెఱుఁగ నించుకయేనిన్.

⁠ 56

వ.⁠

[4]మత్పుణ్యఫలంబు నీ వెఱుంగు దేనియుం జెప్పు మనిన నతండు సకల భూత సుకృత దుష్కృతంబులు నా యెఱుంగని యవి లేవు వినుమని యిట్లనియె.

⁠ 57

1. చేరియున్న (ము)
2. రాజన (హై)
3. నెనయఁగఁ జేయంగ నెఱుఁగ నే నించుకయున్ (ము)
4. అ ప్పుణ్య (ము)