పుట:పద్మపురాణము (మడికి సింగన).pdf/82

50

పద్మపురాణము

సీ.⁠

అతని తనూభవు లర్థంబు మదమున       యౌవనంబునఁ గడుఁ గ్రొవ్వి దురభి మానులై గర్వితమతి సురాపానాది       దుష్టదుర్వ్యసనులై కష్టచరితు లనవరతంబు వేశ్యాసక్తులై నట       విటగాయకులతోడ వివిధగోష్ఠి ననురక్తులై ధనం బంతయు [1]వేణువీ       ణాదులౌ సర్వవినోదములను

⁠

తే.⁠

గొల్లలుగ వెదఁజల్లుచుఁ దల్లిమాట వినఁగనొల్లక యున్మత్తవృత్తిఁ దగిలి [2]సకలబంధుల దూషించి సతతంబు నాతతాయితఁ జరియించి రవనినెల్ల.

⁠ 39

వ.⁠

ఇవ్విధంబున వైశ్యకుమారులు దేవగురుపితృభక్తివిరహితులై నిచ్చలుం బెచ్చు [3]పెరిగిన మచ్చరంబునఁ దమ్ముఁ దా మెఱుం గక తిరుగుచుండం గతిపయదివసంబులకు ధనంబంతయు నశించి దారిద్ర్యంబు గదిరిన.

⁠ 40

క.⁠

దాసీదాసజనంబు లు దాసీనతఁ దమ్ము విడిచి తమతమగతులం బాసి చనిరంతఁ జుట్టలు వేసరి చని రిష్టసఖులు వెఱచిరి పలుకన్.

⁠ 41

వ.⁠

అంత.

⁠ 42

1. వెలిజల్లి, వేణువీణాదికవిధవినోద, తతుల గాలంబు బుచ్చుచు దల్లి మాట (తి-హై)
2. స్వకుల (ము)
3. వెరిగి (ము)