పుట:పద్మపురాణము (మడికి సింగన).pdf/68

36

పద్మపురాణము

⁠

వ్రతనిష్ఠ సలిపి త్రికాలంబును విష్ణు నారాధించుచు మాఘశుద్ధైకాదశీ పర్యంతంబుగా నీవ్రతంబు నడపి దురితనిర్ముక్తుండ వగుము. ద్వాదశినాఁడు నిన్ను మంత్రోదకంబుల నభిషిక్తుం జేసెద నంత నీవు మదనవదనుండ వగుదువని చెప్పి భృగుండు విద్యాధరుం గనుంగొని మఱియు ని ట్లనియె.

⁠ 166

క.⁠

విను మాఘస్నానంబున ననయము నాపదలు వాయు నఘములు వొలియున్ వినుతాఖిలవ్రతాదిక ఘనదాన[1]ఫలంబులెల్ల గలుగు నరులకున్.

⁠ 167

క.⁠

మాఘము యోగముకంటెను మాఘము యజ్ఞములకంటె మతిఁ బరికింపన్ మాఘం బశేషధర్మా మోఘఫలప్రదము గాదె ముల్లోకములన్.

⁠ 168

సీ.⁠

చెలఁగి పుష్కరకురుక్షేత్రంబులందును        దనరు బ్రహ్మావర్తమునఁ బ్రయాగ నవిముక్తమునను గంగాంబుధి సంగతిఁ        బదివత్సరంబులు భక్తితోడ సుస్నాతుఁడై నట్టి సుకృతంబు గలుగు మా        ఘమునందుఁ ద్రిదినావగాహియైన నని చెప్పు మునివాక్య మాకర్ణనము చేసి        యయ్యాశ్రమంబున కధికనిష్ఠ

⁠

తే.⁠

భృగువుతోఁ గూడి మణికూటనగముమీఁద [2]నిర్ఝరిణియందు సుస్నాననిత్యవిధులు సతియుఁ దానును గావించి యతని కరుణ జంద్రముఖుఁ డయ్యె విద్యాధరేంద్రుఁ డధిప.

⁠ 169

1. వ్రతఫలములు (ము)
2. నిర్ఝరులయందు (ము)