పుట:పద్మపురాణము (మడికి సింగన).pdf/64

32

పద్మపురాణము

క.⁠

హృద్యతరగానమున నన వద్యుం డగువాఁడ దివిజవరుసన్నిధి న వ్విద్యాధరాలిలోపల నాద్యుఁడ సుముఖుండు నాఁగ నలరుదు నచటన్.

⁠ 148

ఆ.⁠

దేవనగము కేగి దివిజేశు కడనుండి వచ్చుచోట నిట్లు వరమునీంద్ర! నెపములేక నాదు లపనంబు పులిమోము భంగియయ్యెఁ దొంటిపాపమునను

⁠ 149

వ.⁠

నాటనుండి మొగ మెత్తనేరక సిగ్గువడి విపినంబులఁ జరించుచు విషాదంబున నుండుదు; నే డిందులకు మీరు విజయం చేయుట యెఱింగి చనుదెంచి భవద్దర్శనంబునం గృతార్థుండ నైతినని చెప్పి కృతాంజలియై మఱియు నిట్లనియె.

⁠ 150

సీ.⁠

ఇది నా మనోహరి యిందుబింబానన       తరలాయతాక్షి కాంతాలలామ పిన్నపాయమునాఁడు కిన్నరేశ్వరుఁ గొల్చి       కైలాసమున కేగి గారవమున నవ్యవీణానాదదివ్యగానంబుల      మృడుని నారాధించి మెప్పు వడసె నారదుఁ డెప్పుడు నలినాక్షిగానంబు      వినఁగోరి యెంతయు వేడ్క సేయు

⁠

తే.⁠

నిట్టి సుకుమారి నా కబ్బినట్టిచోట నింపుపొంపిరి వోవ భోగింపలేక వికృతవదనంబు నాకైన వేదనమున సంతతంబును నెరియుదు సన్మునీంద్ర!

⁠ 151