పుట:పద్మపురాణము (మడికి సింగన).pdf/21

27

⁠

నధిపతి తొయ్యేటి యనపోతభూపాలు        మంత్రియై ప్రాజ్యసంపదలఁ బొదలి యొప్పార గౌతమి యుత్తరతటమున        మహనీయమగు పెద్దమనికియందు

⁠

గీ.⁠

స్థిరతరరామతతులు సుక్షేత్రములును బెక్కు లార్జించి సితకీర్తిఁ బెంపు మిగిలి యఖిలజగదన్నదాతనా నవని బరఁగె మధురగుణధుర్యుఁ డయ్యల మంత్రివరుఁడు.

⁠ (I-33)

చ.⁠

ఒనరఁగ నవ్వధూవరు లహోబలదేవునిఁ గొల్చి తద్వరం బున నొగి సింగనార్యుని నమోఘగుణాఢ్యు ననంతుని న్మహీ జననుతు నోబయాంకు బుధసన్నుతిపాత్రుని నారయాహ్వయుం గని నరసింహనామములు గారవమారఁగఁ బెట్టి రందఱన్.

⁠ (I-34)

క.⁠

వారలలో నగ్రజుఁడగు వారిజదళనయనచరణవారిజసేవా సారమతి నతులవాక్య శ్రీరచనాచతురమతిని సింగాహ్వయుఁడన్.

⁠ (I-35)

క.⁠

కూనయ ముప్పనృపాలక సూనుశ్రీ తెనుఁగునృపతి సుదతీ మల్లాం బానందనుఁడగు ముప్పయ భూనాథుని సుకవివరుఁడ బుధసన్నుతుఁడన్.

⁠ (I-36)

గీ.⁠

ఆ మహీవిభుచేత రామాద్రిసీమఁ బెక్కువృత్తులు గ్రామముల్ వెలయఁ గాంచి యతని యాశ్రితులందెల్ల నధికుఁ డనఁగఁ జతురుఁ డన ధన్యుఁ డన సడిసన్నవాఁడ.

⁠ (I-40)