| చ. |
అని పొగడంగఁ బెంపెసఁగు నయ్యలుమంత్రికి సింగమాంబకుం
దనయుని విష్ణుమంగళకథాసుముఖాత్ముని నిత్యసౌమ్యవ
ర్తనుని సుశీలు నవ్యకవితారసపోషణవాగ్విలాసు భూ
జననుతు సింగనార్యు గుణసాగరు నన్ బిలిపించి యర్మిలిన్.
| (I-55)
|
| క. |
ధర నిహపరములకును గురు
చరణంబులె యూఁత యగుటఁ జర్చించి మదిన్
బరవాది భద్రవారణ
హరిముఖ్యులఁ దిరుమలయ్య లార్యులఁ గొలుతున్.
| (I-11)
|
II ద్విపద భాగవతం కాండాంతంలో—
| |
శోభితనవరూప సూనాస్త్రుపేర
నౌభళమంత్రి కందామాత్యు పేరఁ
గోరి భరద్వాజగోత్రసంజాతుఁ
డారూఢమతి నయ్యలార్యనందనుఁడు
శృంగారరసకళాశ్రితవచోధనుఁడు
సింగనామాత్యుఁడు చెలు వగ్గలింప
సలలితరసభావశబ్దగుంభనల
వలనొప్ప శ్రీభాగవతపురాణమున
మహనీయమగు దశమస్కంధసరణి
విహితలీలల నొప్ప విష్ణుచారిత్ర
మారూఢభక్తి కల్యాణకాండంబు
నా రవితారార్కమై యుండఁ జెప్పె.
|
|
III వాసిష్ఠరామాయణంలో—
| ఉ. |
ఆ జలజాక్షు నాభిజలజాత్మజు మానసపుత్రుఁడై భర
ద్వాజుఁడు ధాత్రిఁ బెంపెసఁగె దన్మునిగోత్రజులందు నిత్యవి
భ్రాజితపుణ్యమూర్తి యగు బ్రహ్మనమంత్రికిఁ బుట్టెఁ దీవ్రరు
క్తేజుఁడు గుండనార్యుఁడు సుధీజనభూజనకీర్తనీయుఁడై.
| (I-23)
|
