పుట:పంచతంత్రి (భానుకవి).pdf/72

క.⁠

దమనకుఁ డను, హర్యక్షో త్తమ! నీమదిఁ బొగుల నేల దర్పించిన గో రమణు వధించితి హితకా ర్యమునఁ దిరుగు[వేళ వే]చి తనఘగుణుఁడవై.

⁠ 325

ఆ.⁠

కైతవమున కధికకైతవం, బాదరం బునకు నాదరమ్ము, వొసఁగు ననుచుఁ దొల్లి వారకాంతతో నొక్కచిల్క ప ల్కదె! యటన్న విని మృగప్రభుండు.—

⁠ 326

వ.⁠

ఏతదితిహాసం బెఱింగింపుమనిన, దమనకుం డిట్లని చెప్పందొడంగె, ము న్నొక్కనగరంబున నిజభుజబలవిజితహరిదంతరుండును, బుండరీక భవాండకరండపూరిత[యశః]కర్పూరప్రకాండుండును, నేకపత్నీవ్రతుండు, నగు మహామండలేశ్వరుండు గలం, డతండు,—

⁠ 327

క.⁠

తనవీట నున్న వారాం గనఁ, గలలో నొక్కనాఁడు కాయజుకేళిన్ దనియించితి నని కాంచి, మ ది నద్భుతము వొడమి నిద్ర దేఱి నలఁగుచున్.

⁠ 328

వ.⁠

ప్రభాతం బగుడు నరేంద్రుండు నిజస్వప్నప్రకారంబు తనవద్ది పురోహితులు కెఱింగించి వారల యనుమతంబునఁ దద్దోషపరిహారార్థం బు చితదానమ్ము లొనరించి నిర్మలాంతరంగుఁడై యుండ, నవ్వార్త దిక్కులఁ బొడమె, నట్టి యవసరమ్మున,—

⁠ 329

సీ.⁠

కీలుకొప్పున నున్న గేదంగిఱేకులు                     నిందిందిరములకు విందు సేయఁ, గలికిచూపులు భుజంగవ్రజంబులకును                     మరుతూపు లగుచు మర్మములు గాఁడ, గజకుంభవిజయంబు గైకొన్న చనుదోయిఁ                     గస్తూరికాలక్ష్మిగరము మెఱయ, నడపులమురిపమ్ము లెడనెడ నాగర                     శిఖికులమ్మునకెల్ల సిగ్గు గఱప,

⁠