బద్మగర్భాచ్యుతేశాభిధానంబులం దాల్చి నానాజగద్రాజి, కుత్పత్తి రక్షాల
యం బాచరింపంగఁ ద్రైగుణ్యవృత్తిం బ్రవర్తింతు నొక్కొక్కచో మత్స్య
కూర్మాదిరూపమ్ముల న్మించి లోకోపకారమ్ము గావింతు వంభోజగర్భాం
డముల్ రోమకూపమ్ములోనుండ నత్యున్నతస్థూలదేహమ్ముచే నుందు, వే
కార్ణవంబైనవేళన్, వటోద్భూతపత్రమ్ముపై సూక్ష్మగాత్రమ్మునన్ శైశవ
క్రీడ నర్తింతు వింద్రావనీభృత్ఫణీంద్రాకృతిన్ నాకభూనాగలోకమ్ములన్
లీలఁ బాలింతు వాకాశతేజోనిలాంభోవనీపంచభూతాత్మకత్వంబునన్
సర్వభూతాళి కాధారమై యుందు, వీరేడులోకంబులం గూర్మశీర్షంబు
విఖ్యాతి [నం]తర్బహిర్వృత్తిఁ దేలింతు వభ్రచ్యుతాంభోలవంబంబు
పూరంబునుం జెంది పాథోనిధానంబులం జెందుచందమ్మునన్ సర్వతేజోవి
శేషంబులెల్లన్ భవద్విగ్రహంబంద డిందున్ గజేంద్రాదిసద్భక్తరక్షార్థమై
తావకస్ఫీతబాహాచతుష్కంబునన్ జక్రశార్ఙాసిశంఖమ్ము లేపారుచుండన్
ద్వదీయాంఘ్రికంజాతమందాకినీనిర్మలోదంబు లశ్రాంతమున్ గ్రూరపాపోరు
పంకమ్ములం బాపు నీమాయ, గీర్వాణముఖ్యాఖిలప్రాణిసంఘాతవారాశికిన్
వేలయైయుండు నంభోజభూసంభవానందకారీ! మురారీ! భుజంగేంద్ర
తల్పా! సుధాకల్ప! వందారుకల్పా! నమస్తే నమస్తే నమస్తే నమః॥