పుట:పంచతంత్రి (భానుకవి).pdf/51

⁠

చెవిటి కేకాంతమ్ము సెప్పిన కరణి కృ                     తఘ్నునితోడి మిత్రతవిధమున జడధిఁ జిన్కిన వృష్టి వడువున నూషర                     స్థలములఁ జల్లు బీజముల పగిది షండుండు కన్య విచారించు పోలిక                     పందికి చందనపంకమట్లు

⁠

గీ.⁠

నతివివేకవిరహితాత్ముండు నగు మహీ పతికి నాచరించు హితవు నిష్ప లంబు నీతి ఘనకళాచతురుం డది దెలియవలయు లక్ష్మ! ధీసమేత!

⁠ 205

క.⁠

దండింపఁదగనివారల దండించిన, దండమునకుఁ దగువారి కృపన్ దండింపకున్నఁ జెడు భూ మండలనాథుండు లక్ష్మమంత్రివరేణ్యా!

⁠ 206

వ.⁠

అని చెప్పి వెండియుఁ గపటరహితహృదయుండనగు నన్ను మృగేంద్రుం డట్లు చేయఁదలంచె నది ప్రాక్తనకర్మఫలమ్ము గానోపునని నిట్టూర్పు నిగిడించుచు మఱియు నిట్లనియె.

⁠ 207

చ.⁠

సరసుల నక్రముల్, మలయజంబులఁ బన్నగరాజు, కేతకీ తరువులఁ గంటకమ్ములు, నిధానములన్ బహుభూతముల్ సుధా కరునిఁ గళంకమట్లు నధికంబుగ, దుర్దశ లుర్విలోన స త్పురుషులఁ బొందుచుండుఁ దమపూర్వకృతంబగు పాతకంబునన్.

⁠ 208

క.⁠

అన విని దమనకుఁ డిట్లను ననఘ! మృగేంద్రుండు గడుఁబ్రియం బొనరించున్, మనమున నది నమ్మకు దు ర్జనలక్షణ మదియె మది విచారింపఁ దగున్.

⁠ 209

చ.⁠

మలయజశీతలమ్ములగు మాటలఁ దేల్చును, వచ్చినంతఁ బెం పలవడ లేవఁ జూచునుఁ బ్రియంబు లొనర్చును లేఁత నవ్వు వె

⁠