పుట:పంచతంత్రి (భానుకవి).pdf/22

⁠

తన(దు) గుణమ్ములు (దనరి) పద్మభవాండ                     (కాండసం)పూర్ణవిఖ్యాతి నొంద తనదానజలనిధుల్ వనధి యాదో జంతు                     సంతతికిని సంతసమ్ముఁ జేయ తనప్రతాపోష్మమార్తాండ (బింబము రి)పు                     ధ్వాంతసంతానమదం బడంపఁ

⁠

గీ.⁠

బరగు శ్రీకృష్ణరాయ భూపాల కార్య భారధౌరేయుఁ డర్థార్థిపారిజాతుఁ డలఘువిభవమహేంద్రుండు (నధిపవిధి)ప రాయణుండగు లక్ష్మీనారాయణుండు.

⁠ 13

సీ.⁠

వేదశాస్త్రపురాణవిద్యాప్రవీణత                     నొప్పు విద్వజ్జను లొక్కవంక సంస్కృతప్రాకృతశబ్దార్థవిదులగు                     నుభయభాషాకవు లొక్కవంక సంగీతసాహిత్యచతురత నవనిఁ బెం                     పొందిన నేర్పరు లొక్కవంక బహువిధవిద్యలఁ బరిణతిఁ బొందిన                     యురుజనసంఘమ్ము లొక్కవంక

⁠

గీ.⁠

నాదిగా గల్గువారలు నపరిమితము గాఁగఁ బొలుపొందఁ జూచి సంకల్పసిద్దుఁ డఖలభాగ్యుండు చిట్టన యతనితోడఁ బలికె సంతోషహృదయసంపన్నుఁ డగుచు.

⁠ 14

క.⁠

ధననిక్షేపము గృతియును దనయుఁడు నల్లిల్లు దేవతాభవనమ్మున్ వనము తడాగము నన నివి (జననుతముగఁ) దనరు సప్తసంతతులందున్.

⁠ 15

క.⁠

తలపోయఁ గృతియ జగతీ తలమున నాచంద్రసూర్యతారకమై ని ర్మలకీర్తిలతకుఁ గుదురై నిలుచుగదా యనుచుఁ బలుక నిపుణత వెలయన్.

⁠ 16