పుట:పంచతంత్రి (భానుకవి).pdf/23

సీ.⁠

మందాకినీచంద్రమందారచందన                     సితకీర్తిఁదగు నరసింహభట్టు పతికార్యహితనయోపాయమ్ములను [యుగం                     ధరుఁ డనఁజాలిన] నరసమంత్రి నృపసభాంతరవర్ణనీయధీమార్గవ                     ర్ధిష్ణుఁడౌ నవధాన కృష్ణఘనుఁడు నానా[విధ]కళాప్రవీణత దిక్కుల                     వెలసిన భరతము విష్ణుభట్లు

⁠

గీ.⁠

మొదలుగా నున్నవారలు మోదమునను వరుస నందఱు విన్నవించిరి ప్రధాన వర్య! మీతలఁ పొప్పు భూవలయమునను నల హరిశ్చంద్ర రామచంద్రులకునైనఁ గీర్తి యున్నతి కెక్కుట గృతులఁగాదె!

⁠ 17

ఆ.⁠

ఆశ్రితుండు మీకు నాంధ్రభాషావిశా రదుఁడు భానుకవి, కరమ్ము వేడ్క నతనిచేత నెద్దియైన ప్రబంధము సేయఁబనుపు మధికధీయుతముగ.

⁠ 18

మ.⁠

వరవాగ్వైఖరి లక్షణజ్ఞతను శ్రీవత్సాన్వయఖ్యాతి భూ వన మాన్యప్రకృతిన్ బురాతనసుకావ్యప్రౌఢిమన్ భారతీ వరమంత్రప్రతిభన్ మహేశపదసేవానిష్ఠ (నిన్ బోల రు) ర్వరలోఁ [1]దిప్పయ భాస్కరేంద్ర! [బుధవర్ణ్యమ్ముల్] భవద్భాగ్యముల్.

⁠ 19

వ.⁠

అని కృతిపతితోడఁ జిట్టనామాత్యుండు వలుక నాతండు సంతో షాతిశయంబున వల్లెయని కర్పూరసమేతంగాఁ దాంబూలంబును జాం బూనదాంబరాభరణమ్ములునుఁ జామరాందోళికావిభవమ్ములును నేక భోగగ్రామంబులు నొసంగి బహుమానపూర్వకంబుగా ననిపిన నేనును నమ్మహాప్రధానశేఖరు నిట్లని వినుతించితి.

⁠ 20

స్రగ్ధర.⁠

లక్ష్మీకారుణ్యవీక్షాలయశుభకలనాలంకృతస్ఫారతేజా! లక్ష్మీశాకార! వాచాలసదురగ(సమశ్లాఘ!)వంశప్రతిష్ఠా! సుక్ష్మాభృల్లేఖకార్యస్తుతవిభవ! కళాస్తోకవిఠ్ఠార్యపుత్రా! లక్ష్మీనారాయణా! దోర్లసితవితరణోల్లాస వర్ధిల్లు ధాత్రిన్!

⁠ 21

1. తిప్పయ భాస్కరేంద్ర జనవాక్యమ్ముల్ భవద్భాగ్యముల్.