పుట:పంచతంత్రి (భానుకవి).pdf/140

క.⁠

ఆకుణపత్రయ మొక్కట జోకగ భూఖాతమందుఁ జొప్పించి తనున్ రాకొమరు లెఱుఁగకుండగఁ బ్రాకటముగ ధనము నింటఁ బాతుక యుండెన్.

⁠ 15

వ.⁠

ఇట్లు వైశ్యుండు లబ్ధద్రవ్యుండై సకలదారిద్య్రవిచ్ఛేదమ్ము చేసి సర్వసౌఖ్యము లనుభవింపుచు బ్రాహ్మణపూజాతత్పరుండై బంధుజనపారి జాతుండనఁ గళత్రలోలుండై సుఖంబుండినంత,—

⁠ 16

క.⁠

ఆకోమటికిని వశుఁడై తేఁకువ నొకక్షౌరకుండు ధీయుతుఁడై, తా జోకను బనిసేయుచుఁ దే [1]జోకీర్తులు వెలసియుండు, సురుచిర మహిమన్.

⁠ 17

క.⁠

ఆమంగలి కోమటిసతిఁ ప్రేమంబునఁ దగిలి యుండఁ, బ్రీతిని వణిజుం డామంగలిసతిఁ గూడుక, తామును నన్యోన్యసతులఁ దగులుక యుందుర్.

⁠ 18

వ.⁠

ఇట్లు త్రైవర్ణికక్షౌరకు లొకరొకరిభార్యలం గూడుక వినోద మ్ములు సలుపుచుండునంత, నొక్కనాఁటిరాత్రి నాపితుఁడు కోమటి భార్యతోఁ గూడి యుండి యిట్లనియె, భామా! భవద్గృహమ్ము పూర్వమ్ము వలె గా దిప్పుడు వస్త్రాన్నంబులకుఁ గొదువలేక యుండిన యట్లున్నది యీ విధం బెఱిఁగింపు మనిన, నది యిట్లనియె,—

⁠ 19

గీ.⁠

ముగురుభిక్షులు మాయింటి కగణితముగ వచ్చియుండంగ మాసెట్టి వారిఁ బట్టి చంపివేసినకతమున సకలధనము కలిగియున్నది మా కని కాంత చెప్పె.

⁠ 20

క.⁠

చెప్పిన మాటలు మంగలి తప్పక విని తాను నట్ల తాలుతుననుచు

⁠

1. తేజఃకీర్తులని సంస్కరించినఁ బ్రాసభంగము