పుట:పంచతంత్రి (భానుకవి).pdf/112

⁠

పలుకులఁ బ్రీతి సంపదఁ దేలుదురు రథ                     కారుఁడు [రమణిని] జారుతోడఁ దల మోచికొనుచు నృత్యం బాచరింపఁడె                     యన విభుఁ డెఱిగింపుమనినఁ దొల్లి కలఁ డొకపురి రథకారుఁ డతండు దు                     శ్చరిత యౌ తనభార్య జాడ తెలిసి

⁠

గీ⁠

రాజు కూటమి గలిగుండ, రాజుతోడఁ గర్జమున్నది వే నరుగంగవలయు ననినఁ ద్రోవకు సంబళం బప్పు డొసఁగి యనిపి తనమది సంతసం బందియుండ, నెలమి రథకారుఁ డెవ్వరు నెఱుఁగకుండ.

⁠ 93

వ.⁠

తనభార్యకుం జెప్పె బంధుదర్శనార్ధం బొకపురంబున కేగవలయు, రాజుచేత నామంత్రితుండనైతి, నేనుం బోయివచ్చెద నని వీడ్కొని కొంత ద వ్వరిగి యెవ్వరు నెఱుంగకుండం, గ్రమ్మఱ విభావరీసమయమ్మున నిజ గృహమ్మున కేతెంచి తనభార్య యెఱుంగకుండఁ బర్యంకమ్ముక్రింద నణంగి యున్న సమయమ్మున,—

⁠ 94

గీ.⁠

శంక యొక్కింత లేక యా[ఱంకుటా]లు దూతికాముఖవార్తచేఁ బ్రీతినంది చేరవచ్చిన జారుని గారవించె తేజరిల్లు కటాక్షనీరాజనమున.

⁠ 95

క.⁠

ఆకులట జలకమాడఁగ నేకాంతస్థలముగూర్చి యేగిన, మదనో ద్రేకమున జారపురుషుఁడు చీకాకునఁ బొరలె కొంతసేపటిలోనన్.

⁠ 96

గీ.⁠

ఎప్పుడేనియు దిఙ్మదేభేంద్రకుంభ సన్నిభములైన పాలిండ్లు జారకాంత నాయురస్స్థలిఁజేర్చు మన్నన దలిర్ప, నపుడు మదనాగ్ని యణఁగు నటంచు నుండ.

⁠ 97