పుట:పంచతంత్రము (బైచరాజు వేంకటనాథుడు).pdf/184

ఉ.⁠

పొంగినకిన్కఁ దోఁచినటు పోరుచు మంచము డిగ్గనీక చ న్నుం గబళించుపుత్రునిఁ గనుంగొని యక్కట వీఁడు నాకు బ ల్పంగడమయ్యె నేఁ డనుచు శయ్యపయిం బొరలించి త్రోచి వ చ్చెం గలకంఠి యోర్తు నృపసింహము నెంతయఁ జూడ వేడుకన్.

⁠ 349

ఉ.⁠

కే లగలించి పట్టి రతికిం బిఱువీఁకులు సేయువల్లభుం జాలుఁబొకాలు నిల్నిలువు సైఁచు మొకించుక తాళు మాను మీ వేళ నిశాననం బనుచు వీడ్వడనాడి యురోజగౌరవా ర్తాలసమధ్య యోర్తు కదియం జనుదెంచెఁ గుమారమన్మథున్.

⁠ 350

చ.⁠

అరవిరిబాగుతమ్మరస మంటిన కన్నులు డిల్లపాటు క్రొం జిఱుచెమట ల్సను ల్మొనపుచెక్కులు చిక్కులు గొన్నహారముల్ విరిసినకొప్పు నిశ్వసనవీచికలం దగ వేగ నోర్తురా మఱుఁ గిక నేల యీవిధము మంచిది పొమ్మని నవ్వి రంగనల్.

⁠ 351

ఉ.⁠

మించి జయంబుఁ గైకొనునిమిత్తము నెత్తము లాడి యాడి యో డించి పణంబు దెమ్మనుచుఁ డెక్కునఁ బట్టినప్రాణనాథువ స్త్రాంచల మించుకేని విడనాడక నెవ్వడి నీడ్చుకొంచు శం కించక నేగుదెంచె నొకకేసరిమధ్య గుమారుఁ జేరఁగన్.

⁠ 352

ఉ.⁠

[1]కీలు ఘటిల్లువేణిగతికిం బ్రతికూలత నొందఁ జంద్రజం బాలిత మైనచన్నుఁగవ మధ్యముపై దయదప్ప ముత్తరు ల్మేలిమి రాజిరాడఁగను మించులు శంపల గ్రమ్మఱింప మం దాలసవృత్తి నొక్కజవరా లరుదెంచెఁ గుమారుఁ జూడఁగన్.

⁠ 353

వ.⁠

ఇట్లు పురస్త్రీరత్నంబులు నిజదృష్టిమసారసారంబుల నలంకరింపు నేగివచ్చి సుకీర్తి మందిరద్వారంబున నవ్వారణావతరణం బొనరించి నారీజనార్పితనీరాజనంబు లీక్షింపుచుఁ గక్ష్యాంతరంబులు గడచి చని ముందఱ [2]నతిముక్తాభిరామంబై బ్రహ్మసభను పుణ్యద్రవ్యసమీచీనంబై యజనవాటంబును బల్లవకుసుమవిలసితంబై వసంతసమయంబును బ్రసిద్ధవర్ణగౌరవంబై సంగీతంబును నాట్యకార్యంబునం

⁠

1. ఉ .మూలకుఁ దార్చి సందుసుడిమూతులు నాకెడుగిండిదాని న
       వ్వేళకు నొద్దఁబెట్టి యిదె వే విడె మిచ్చెదఁ గాని చూచెదం
       గోలతనంబు పెండ్లికొడుకుం దలవాకిట నంచు వెళ్ళనీఁ
       జాలనిభర్తఁ దేర్చి యొకచంద్రనిభానన వచ్చె వీథికిన్.
   ఇది ప్రక్షిప్తమని తోఁచెడు.
2. ఈస్థలంబున నుపమానోపమావాచకంబులు సాధారణధర్మవాక్యంబులకు ముందు
   కొన్నిప్రతులందుఁ గానంబడియెడిని. ఐన నీకవి యింతకుము న్నీగ్రంథముననే
   యిట్టిఘట్టంబుల రచియించినరచనం బట్టియుఁ గొన్నిప్రతులయం దుండుటం
   బట్టియు నిట్లు సంస్కరింపంబడియె.