పుట:పంచతంత్రము (దూబగుంట నారాయణ).pdf/52

మత్తకోకిల.⁠

పూని దీనివిచార మేల సుబుద్ధి తానె హరించె మీ యాన దానికి సాక్షి యచ్చట సంచితం బగువృక్షమే కాని మానిసిఁ జెప్పఁ జెప్పినఁ గల్ల పెట్టుఁడు నన్ను స న్మానితాత్మకులార మీరలు నాకు దిక్కని మ్రొక్కినన్.

⁠ 511

క.⁠

వెఱఁగువడి వారలందఱు నెఱయఁగ నొండొరులఁ జూచి నేఁ డాశ్చర్యం బెఱుకపడఁ దరులచేతను వఱలఁగఁ బలికించునట్టివారలుఁ గలరే.

⁠ 512

వ.⁠

అనుచు ధర్మాధికారులు వైశ్యకుమారుల కిట్లనిరి.

⁠ 513

ఆ.⁠

ప్రొద్దులేదు నేఁడు పోయి ప్రాతఃకాల వేళ రండు పొండు వేగ యనిన నరిగి దుష్టబుద్ధి యాత్మీయజనకునిఁ బ్రార్థనంబు చేసి పలికె నపుడు.

⁠ 514

సీ.⁠

తండ్రి యీహస్తగతం బైనయర్థంబు                 నెట్టివానికిఁ బాలు వెట్ట నేల వాఙ్మాత్రమున నీకు వశ మైనపని గానఁ                 జెప్పెద నామాట చిత్తగింపు వృక్షకోటరము ప్రవేశించి యీరాత్రి                 నీ వదృశ్యంబుగా నిలుచునంత ధర్మాధికారు లంతట రేపకడ వచ్చి                 యచటివృక్షము సాక్ష్య మడుగఁ దడయ

⁠