పుట:పంచతంత్రము (దూబగుంట నారాయణ).pdf/128

తే.⁠

కనకసూత్రంబుతో మొలగంట లమర, జోక నలికంబుపై రావిరేక లనుర జరణయుగమున నందియల్ మొరయుచుండ, నంతటంతటఁ గూర్చుండి యాడునపుడు.

⁠ 17

చ.⁠

పనితమకంబునన్ గృహిణి బాలకు నెత్తక యుండు దెట్లు నీ వని భృకుటీవికారవదనాంబుజుఁడై వసుధామరుండు తాఁ దనకర మొప్పఁ జూచి ఘనదండము గైకొని వ్రేయఁ బిండి పె ట్టినకలశంబు భగ్న మగుడుం దెలి వొంది యనంతరంబునన్.

⁠ 18

క.⁠

తలయుం జీరయు నొడలును, దెలతెలఁగాఁబడ్డపిండి దిక్కులు గప్పన్ బలపలనివేడ్కతోడుత, వెలవెలనై బ్రాహ్మణుండు విస్మితుఁ డయ్యెన్.

⁠ 19

వ.⁠

విస్మితుండై మనోరాజ్యంబు మిథ్య యగుటకుఁ జింతాక్రాం తం బగునంతఃకరణంబుతో నెగ్గువడి యూరకుండెం గావున నీవును నమ్మహీసురునట్ల యనాగతమతిం దలంపం దగ దన్న కొన్నిదివసంబులకుం బరిపూర్ణం బయినగర్భంబున నాతన్వికి శుభలక్షణాలంకృతుం డైననందనుండు పుట్టిన సాంద్రానందం బునం బొదలుచున్నసమయంబున.

⁠ 20

తే.⁠

పుణ్యదివసంబు వచ్చినఁ బొలఁతి వేడ్క, నర్భకుని నాత్మనాథున కప్పగించి విప్రకన్యాసమేతయై వెడలి నదికిఁ, బావనస్నాన మొనరింపఁ బోవునంత.

⁠ 21

ఉ.⁠

ఆనగరంబుభూపతిగృహంబునఁ బుణ్యదినంబు వచ్చినన్ దానముఁ గైకొనం దలంచి తక్కినవిప్రులు పాఱుచుండఁగాఁ

⁠