పుట:నిర్వచనోత్తరరామాయణము.pdf/24

ఉ.⁠

వారలు వారిభూపరివారముతోన విమాన మెక్కి రాఁ గా రఘునందనుం డరిగి కాంచనతోరణచిత్ర మై నవ ద్వారనికాయ మైననిజపట్టణ ముత్సుకవృత్తిఁ జొచ్చె నిం డారుముదంబునన్ భరతుఁ డాదృతిఁ జేసి సలీలఁ గ్రాలఁగన్.

⁠ 84

క.⁠

వినయము గైకొనఁగాఁ జే, యను దగువా రెల్లఁ దన్ను నయ్యయిసంభా వనమై నభినందింపఁగ, జననాథుఁడు పూజ్యరాజ్యసంపద నొందెన్.

⁠ 85

ఆశ్వాసాంతము

మ.⁠

కమలాధారుఁడు భీతిదూరుఁ డసమాకారుండు గంభీరుఁ డ బ్జముఖీమారుఁ డపారసారుఁడు కళాస్ఫారుండు వీరుండు దు ర్దమదోస్సారుఁ డధర్మభీరుఁడు మహోదారుండు దుర్వారుఁ డ త్యమలాచారుఁడు నిర్వికారుఁడు యశోహారుండు ధీరుం డిలన్.

⁠ 86

క.⁠

వికచకమలాయతాక్షుం, డకుటిలచిత్తప్రచారహరిమిత్రుం డ ర్కకులప్రదీపుఁ డభినవ, మకరాంకుఁడు విజయమానమర్దనుఁ డెలమిన్.

⁠ 87

మాలిని.⁠

నమదరినృపచూడానవ్యరత్నాంశువీచీ సముదయసుభగోల్లాసస్ఫురత్పాదపద్ముం డమరతరునికాయత్యాగలీలాపహాసో ద్యమనిపుణనిసర్గౌదార్యహస్తాబ్జుఁ డుర్విన్.

⁠ 88

గద్యము.⁠

ఇది శ్రీమదుభయకవిమిత్ర కొమ్మనామాత్యపుత్ర బుధారాధనవిధేయ తిక్కన నామధేయ ప్రణీతం బయినయుత్తరరామాయణం బనుమహాకావ్యంబు నందుఁ బ్రథమాశ్వాసము.

⁠

————