42
ధ నా భి రా మ ము
మానవతి కిక వెనుకను మాన మేల
ప్రాణమునకును సందేహపడును జూడ.87
వ. నాకు నీవు కావలసినదాన వేని వేగిరంబ వాడున్న
చోటుకుం జని తోడితెమ్మనిన నది యిట్లనియె.88
ఉ. అక్కట వాసివన్నె గలయట్టికులంబునఁ బుట్టి రూపుచే
నెక్కుడు భాగ్యసంపదల నెన్నఁగ నెక్కినదాని కంతలో
నెక్కడివానికిన్ వలచి తెవ్వరొ వానికులంబు విన్న వా
రొక్కట నవ్వరే విడువు ముత్పలలోచన నీకు మ్రొక్కెదన్.89
ఉ. నిచ్చలు నిండ వల్లభులు నీకడ గానఁగలేక కానుకల్
దెచ్చి తమంత గ్రందుకొని తేకువ మోసలు గాచుచుండగాఁ
జెచ్చెర వారలం ఘనము సేయక డాయకయూరకున్న హా
యొచ్చెముగాదె నీకునుబయోరుహలోచనయీపురంబునన్.90
చ. కలికితనంబు మీఱఁగ వికారముతోడ మనోజకేళి ని
శ్చలతమకంబు వుట్ట విటసంఘముఁ దెచ్చి యొసంగు నీమహో
జ్వలమణిభూషణాదిఘనవస్తువులం దనురక్తిగాక తా
వలచుట పంతమే ధరణి వారవధూమణికిం దలోదరీ!91
వ. అని యనేకప్రకారంబులం దెలిపిన రుచియింపనిచందంబున
చెలిపలుకులు హితవుగాక మదనావలోకనవిరహవేదనా
క్రాంతశాలి యగునాకాంత క్షమాక్షరంబులఁ జెలి కిట్లనియె.92
ఉ. ఎన్నికమీఱఁ గన్నులకు నింపగువాని రమింప లేని య
త్యున్నతరూపసంపదయు నొప్పగుజవ్వన మేల చెప్పెదన్
వన్నెగ నే గడింపనిసువస్తువు లేమియు భూమిలోపలన్
పొన్నసుగంధి యున్నవని బోల్ప గుణంబు తలంపవచ్చునే.93
