38
ధ నా భి రా మ ము
కళలు దైవాఱ వేడ్కలు మీఱఁగా
వాని వరుస రమింపనివయ సదేల
సరససల్లాపభాషణముల వీనితో
సరిప్రొద్దు పుచ్చనిజన్మమేల
వీఁడు వెలియైనరూపంబు విభవములును
వన్నెలును నేల సతులకు వసుధలోన
ననుచుఁ దలపోసి రప్పు డత్యంతవిరహ
వేదనలఁ బొంది రప్పురి వెలవెలఁదులు.71
వ. ఇవ్విధంబున వారవధూతిలకంబు లందఱు దలంచుచుఁ దమ
తమనివాసంబులకుఁ జని రట సుగుణావతి మందిరంబున కేగి
యత్యంత విరహ వేదనాయత్తచిత్తయై యేకాంతంబునం గూడక
నిజనివాసంబున నుండె నప్పుడు.72
ఉ. రూపము గానరాక మఱిరూఢికి నెక్కి జగత్రయంబు సం
తాపము బొందఁజేసిన ప్రతాపము గల్గినతియ్యవింటిజో
దేపున రూపు దాల్చి ధర కేగి చరించినఁ జూచి యింతు లే
రూపున నిల్తురో గలికి రూఢివ నీమరుసేఁత లన్నియున్.73
గీ. చంద్రజూటునిదేహంబు సగము చేసె
విష్ణునురమున గంతులు వేయఁ జేసె
నురికి బ్రహ్మను నోరెత్తకుండఁ జేసి
నింతులన నెంతవారలు కాంతునకును.74
క. మునుకొని జగములు పొగడఁగ
ననువుగ నెటువంటివారినైనను గాల్పున్
ఘనత గలమాయదారట
తనపనిఁ దాఁ జేసికొనఁడె ధర్మకుఁ డంతన్.75