తృతీయాశ్వాసము
65
క. పజ్జన తోకొని రమ్మని
బుజ్జగమున నొక్కశిష్యుఁ బుచ్చిన వాఁడున్
మజ్జననీజనకుల న
య్యుజ్జయినికిఁ దెచ్చి యం దనూనప్రీతిన్.56
వ. అట్లున్న కొన్నిదినంబులకు.57
ఆ. చంద్రపాలుతండ్రి సకలసద్గుణనిధి
బంధుపాలుఁ డనఁగఁ బరఁగువాఁడు
గారవమున రాజు గాన్పించి నింపు గా
వించె మాకు నెమ్మి వెలయుచుండ.58
ఉ. ఏనును బంధుపాలునకు నిష్టుఁడ నై మనవర్తనంబులున్
గాననభూమిలోన నిను గానక రోయఁగఁ బోయిపోయి యు
జ్జేనికిఁ జేరఁబోవుటయుఁ జెప్పి భవద్గతి యారయంగఁ బోఁ
బూనిన నాతఁ డిట్లనియెఁ బొచ్చెము లేని దయాగుణంబునన్.59
ఆ. అంత మెఱుఁగ లేని యవనీతలం బెల్లఁ
గలయఁదిరుగ నలవిగాదు తిరిగి
కాన నలవిగాదు గాన [1]నీదగు మనో
గ్లాని మాను మతనిఁ గను తెఱంగు.60
క. శకునజ్ఞానబలంబునఁ
బ్రకటంబుగ నెఱిఁగి నీకుఁ బ్రవ్యక్తముగా
సకలము నెఱిఁగించెద నని
యకుటిలుఁ డై పలికె మత్సహాయుం డగుటన్.61
- ↑ నాదెస