సప్తమాశ్వాసము
195
రంతఁ బాపమునఁ బ్రియంవద కొడుకులఁ
గాంతారభూమిలోఁ గాడుపఱచి
తే. వచ్చిపట్టంబు గట్టినవాఁడు గాన
వికటవర్మకు ననుఁ దండ్రి వేడ్క నిచ్చె
నీ వెఱుంగనియవియె యన్నీచుచేతఁ
బ్రతిదినంబు నేఁ బడియెడు పాటు లెల్ల.68
శా. చాతుర్యంబుల చెంతఁ [1]జెందఁడు కులాచారంబు కోరండు వి
ద్యాతత్త్వంబుల మే లెఱుంగఁడు వినోదక్రీడ లొల్లండు మే
ధాతత్త్వంబుల పొంతఁ బోఁడు రతితత్త్వప్రౌఢుఁడుం గాఁడు భా
మా! తెంపుంబడి యైన యీవికటవర్ముం జెప్పఁగాఁ గూడునే?69
క. ఒప్పర మిడి సతికిం గల
యొ ప్పెఱుఁగఁడు తనమనంబు నొల్లమిఁ దాఁపం
డెప్పుడు చూచినబీరపుఁ
దప్పులె యొనరించు నా కతఁడు పతి యగునే?70
ఉ. ఇంచుక యేనిఁ బెం పెఱుఁగఁ డెంతయు వేడుక నేనుఁ బుత్రుగాఁ
బెంచిన మావిమోఁకకడఁ బ్రీతి మదీయవయస్య యైన యి
క్కాంచనమాల నెల్లచెలికత్తెలు నవ్వఁగ నంటఁబట్టె నా
పంచున కాలనై పడనిపాటుల నేఁ బడితిం దపస్వినీ!71
క. రమణీయలతాగృహమున
రమయంతియుఁ దాను నిచ్చ రమియింపఁగఁ దె
ల్లమిగా నా చెలి చూచె వ
శమె యవమాన మిటు సేయ సైరింపంగన్.72
- ↑ జేరఁడు
