188
దశకుమారచరిత్రము
క. విని హర్షాశ్రుజలంబులఁ
గనుదోయి మునుంగఁ జన్నుఁగవఁ బా లొలుకం
దనువునఁ బులకలు నెగయఁగ
నను గాఢాలింగనంబునం గొనియాడెన్.27
వ. ఇవ్విధంబున సంభావితుండ నై కలసి యిట్లంటి.28
ఆ. ఇంక మనకుఁ గార్య మెయ్యది యొకొ రోష
వేగ మడరి బాహువిక్రమంబు
మెఱయఁ బగతుమీఁద నుఱికి యొక్కఁడఁ జంప
వచ్చునట్లు చేఁత వలను గాదు.29
క. ఇత్తెఱుఁగు పరిజనములకుఁ
జిత్తక్షోభంబు సేయుఁ జేసిన నాకున్
మెత్తనిమెయితో రాజ్యం
బెత్తిలఁ గొనరాదు నన్ను నెఱుఁగరు వారల్.30
క. ఏ నీచెఱ నున్న నృపతి
సూనుఁడ నని ప్రజకుఁ దెలుపఁ జొచ్చితినేనిన్
దానఁ బ్రమాదము పుట్టుం
గానఁ దెఱఁగు పడదు వలయు కార్యము మనకున్.31
క. కావున మృదుమార్గంబున
నీవు సహాయంబు గాఁగ నిర్జించెద నే
నీవికటవర్ము నేలెద
భూవలయం బస్మదీయబుద్ధిబలమునన్.32
వ. అనిన నత్తపస్విని ప్రియం బంది యిట్లనియె.33
క. దైవంబ సహాయంబుగ
నీ విచటికిఁ జేరి తింక నీకుం జేయం
