చతుర్థాశ్వాసము
103
క. రూపున వివేకమున వి
ద్యాపరిణతి కీతఁ డధికుఁ డన నతిమిథ్యా
రోపితమహానుభావుం
డై పురమున వీఁడు భూసురాకృతిఁ దిరుగున్.73
ఉ. ఈకుటిలాత్మునిం గవిసె నింత వివేకము లేక మాదృశా
నేకనరేంద్రనందనుల నెవ్వరి మెచ్చక దాని కేమి దో
షాకరుఁ డైన వీని నిశితాయుధశూలమునం దవిల్చెదం
జేకొని చూచుఁగాక ప్రియుఁ జిత్తము దృష్టియు నూఱడిల్లఁగన్.74
వ. అని యధిక్షేపించి.75
క. కరి ఘనతరతుండంబున
నరుణసరోజంబు వట్టి యతిష్ఠురతన్
దెరలఁగఁ దిగిచినపరుసున
నరపతి చేసేతఁ బెనఁచి నయమరి తిగిచెన్.76
వ. అయ్యవసరంబున.77
ఉ. ధీరగరిష్ఠు డైన జగతీపతి దైవము సేయు దుర్దశల్
సైరణఁ గాని తీఱ వని శౌర్యము దక్కి యవంతిసుందరిం
జేరఁగఁ బిల్చి యి ట్లనియెఁ జిత్తవిషాదము మానినిల్వుమీ
నీరజనేత్ర! హంసకథ నిచ్చలు నెమ్మదిలోఁ దలంపుచున్.78
క. అనుటయు నతండు కోపము
తనమని రెట్టింపఁగా నదయుఁ డై వీనిం
దునుమవలయు నగరు వెడలం
గొనిరండని యాత్మసేవకుల నియమించెన్.79