ఈ పుట ఆమోదించబడ్డది
రేకు: 0113-06 దేవగాంధారి సం: 02-078 వైరాగ్య చింత
పల్లవి: మేలు లేదు తీలు లేదు మించీనిదే హరిమాయ
కాలమందే హరిఁ గంటి కైవల్య మొకటే
చ. 1: సురలును జీవులె నసురలును జీవులె
ధర నిందుఁ బ్రకృతిభేదమే కాని
సురలకు స్వర్గ మసురలకు నరకము
పరగ నీరెంటిగతి పాపపుణ్యములే
చ. 2: పొలఁతులు జీవులే పురుషులు జీవులే
తలఁప భావభేదములే కాని
బలిమి స్వతంత్రముఁ బరతంత్ర మొకరికి
యెలమి విందులోఁ జెల్లే హీనాధికములే
చ. 3: రాజులును జీవులే రాసిబంట్లు జీవులే
వోజతో సంపద చెల్లేదొకటే వేరు
సాజపు శ్రీవేంకటేశు శరణ మొక్కటే గతి
బాజుఁ గర్మ మొండొకటి బంధమోక్షములు
