ఈ పుట ఆమోదించబడ్డది
రేకు: 0113-02 గుండక్రియ సం: 02-074 శరణాగతి
పల్లవి: నమ్మిన దొకటే నాకు నీశరణము
యెమ్మెల సంసార మింతే యిందేమిగలదు
చ. 1: యేఁటికర్మము నా కేఁటిధర్మము
యేఁటిదో నేఁ జేయఁగా నీ కేమి గూడెను
నాఁటకపు తొంటివారు నడిచిన మార్గమని
యీఁటుకుఁ జేఁసేఁగాక యిందేమి గలదు
చ. 2: యేడతపము నా కేడజపము నే
వాడికఁ జేయఁగ నీకు వచ్చినదేమి
బెడిదపుఁ బెద్దలెల్లాఁ బెట్టిన తిట్టములంటా
యీడుకుఁ జేసెఁగాక యిందేమి గలదు
చ. 3: యెక్కడిపుణ్యము నా కెక్కడిభోగములు
యిక్కువ నన్నిట్లఁ జేసి యేమిగంటివి
నిక్కెపు శ్రీవేంకటేశ నిన్నుఁ గనుటగాక
యెక్కడి కెక్కడిమాయ లిందేమి గలదు
