ఈ పుట అచ్చుదిద్దబడ్డది
రేకు: 0171-02 నాట సం: 02-345 వైష్ణవ భక్తి
పల్లవి: విష్ణుఁడొక్కఁడే విశ్వాత్మకుఁడు
వైష్ణవమే సర్వంబును
చ. 1: పరమేష్టి సేయు బ్రహ్మాండసృష్టియు
హరునిలోని సంహారశక్తి
పరగఁగ నింద్రుని పరిపాలనమును
అరసిచూడ శ్రీహరి మహిమ
చ. 2: యిలఁ బంచభూతములలో గుణములు
అల నవగ్రహ విహారములు
తలకొను కాలత్రయ ధర్మంబును
అలరఁగ నారాయణుని మహిమలే
చ. 3: అంతటఁగల మాయా విలాసములు
పొంతఁ బరమపద భోగములు
మంతుకు నెక్కిన మరి సమస్తమును
యింతయు శ్రీవేంకటేశు మహిమలే
