ఈ పుట అచ్చుదిద్దబడ్డది
రేకు: 0171-03 గుజ్జరి సం: 02-346 అధ్యాత్మ
పల్లవి: ఒకటి కొకటి లంకై వూరకైనాఁ బెనగొను
అకటా యెవ్వరు దాఁటేరయ్య నీమాయలు
చ. 1: తనయెదుటివెల్లాను తలఁపులోఁ బారును
మనసులోపలివెల్లా మర్మము లంటు
ఘనమర్మములు రేఁగి కాయమెల్లాఁ గరఁగించు
తనువుసౌఖ్య మవ్వలి తనువున నంటును
చ. 2: అవ్వలిదేహభోగము లట్టే కర్మములౌను
మువ్వంకఁ గర్మాలు లోకములై చెందును
చివ్వన నాలోకములు చేరి కాలము గడపు
తెవ్వనికాలము నిద్రాఁ దెలివినై ముంచును
చ. 3: వెస నాతెలివి యొకవేళ నిన్నెఱిఁగించు
వసమై ఆయెఱుకకు వచ్చి మెత్తువు
యెసగి నీవు మెచ్చితే యిహపరము లిత్తువు
మిసిమి శ్రీవేంకటేశ మెరయు నీయీవి
