ఈ పుట ఆమోదించబడ్డది
రేకు: 0170-03 శుద్ధవసంతం సం: 02-341 శరణాగతి
పల్లవి: అందుకే సుమ్మీ నేఁజేసే ఆచారాలు దైవమా
నిందవాయ నామనసు నీపై నిలుపవే
చ. 1: బట్టబయటఁ దోలితేను బందె మేయుఁ బసురము
పట్టి మేపితేను తనపనులు సేయు
ఇట్టె వదిలితేను యెందైనాఁ బారు మనసు
కట్టుక నే మఁస్తుడైతే కైవసమై యుండును
చ. 2: బడి దప్పితే బంట్లు పరదేసు లౌదురు
యెడయక కూడుకొంటే హితు లౌదురు
విడిచితే నిటులానే కడకుఁ బారు మనసు
వొడలిలో నణఁచితే వొద్దికై వుండును
చ. 3: చే వదలితే పెంచిన చిలుకైనా మేడ లెక్కు
రావించి గూఁటఁ బెట్టితే రామా యనును
భావించకుండితే యిట్టె పారు నెందైనా మనసు
శ్రీవేంకటేశుఁ గొల్చితే చేతఁ జిక్కి వుండును