ఈ పుట ఆమోదించబడ్డది
రేకు: 0169-01 దేవగాంధారి సం: 02-333 భగవద్గీత కీర్తనలు
పల్లవి: ఏపొద్దూ నీచేఁతలెల్లా యెదుటనే కానవచ్చీ
వీఁపు గానరాఁగా దాఁగే విద్య నీదిగాక
చ. 1: పుట్టిన మెకానకుఁ బూరి మేయ నేరిపిరా
అట్టె పిల్లలఁ బెట్ట నటు నేర్పిరా
చుట్టి నీళ్లున్నచోటు సోదించ నేరిపిరా
మట్టులేని దింతా నీమాయ యింతేకాక
చ. 2: తీవెలకుఁ జుట్టి చుట్టి దిక్కులఁ బాఁక నేరిపిరా
తావులఁ దతికాలానఁ బూవ నేరిపిరా
వేవేలు పక్కొమ్మలు వెసఁ బెట్ట నేరిపిరా
యేవలఁ జూచినా నీమహిమ లింతేగాక
చ. 3: కోరి పక్షులు కొరులు గూండ్లువెట్ట నేరిపిరా
సారె జాతియ్యాహారాలచవి నేర్పిరా
యీరీతి శ్రీవేంకటేశ యిన్నియు లోకములోన
చేరి నీవు సేసిన సృష్టి యింతే కాక