ఈ పుట ఆమోదించబడ్డది
రేకు: 0168-05 దేవగాంధారి సం: 02-332 భగవద్గీత కీర్తనలు
పల్లవి: పసులఁ గాచుట యెట్టు బండిబో యిఁడవౌటెట్టు
వెస నిన్నుఁ దలఁచితే వెరగయ్యీ నాకు
చ. 1: వరుస నంతరియామిత్వము నవతారములు
పరగ మూఁడుమూర్తుల ప్రభావము
పరమపదము పరాత్పరము బ్రహ్మమునై
తిరమైన యాదిదేవదేవుఁడవు నీవు
చ. 2: అనిశము జీవులకు నణువుకు మహత్తుకు
వెనుకొన్న మాయకు విరాట్టుకు
పొనుఁగని మహిమల పొడవుకుఁ బొడవైన
దినకరకోటికోటితేజమవు నీవు
చ. 3: సర్వశాస్త్రములలో సనకాదులలో
పర్విన గరుడానంతప్రముఖులలో
సర్వదా మెలఁగుచు జనవరదుఁడవై
వుర్వి శ్రీవేంకటాద్రినున్న దేవుఁడవు
