ఈ పుట ఆమోదించబడ్డది
రేకు: 0106-02 పాడి సం: 02-032 దశావతారములు
పల్లవి: వెన్నలు దొంగిలునాటి వెఱ్ఱివా నీవు
విన్నకన్నజాడ గాదు వెఱ్ఱివా నీవు
చ. 1: చేరి నిన్నునొల్లనట్టిజీవుల నీవుదరాన
వీరుఁడవై మోఁచేవు వెఱ్ఱివా నీవు
నారపేరు నుడిగితే నా పేరంటాఁ దగిలేవు
వీరానఁ జుట్టమవై వెఱ్ఱివా నీవు
చ. 2: బంటులైనవారికిఁ బరతంత్రుఁడవై యీ-
వెంటవెంట దిరిగేవు వెఱ్ఱివా నీవు
అంటే ననరాదు రెండుఅడుకులకే చొచ్చేవు
వింటే మాకు నవ్వువచ్చీ వెఱ్ఱివా నీవు
చ. 3: పావనులయి లోకమెల్లా బదుకుమంటాఁ బేళ్లు
వేవేలు వెట్టుకొంటివి వెఱ్ఱివా నీవు
శ్రీవేంకటేశుఁడవై చెంది వరము లిచ్చేవు
వేవేగ నెవ్వరికైనా వెఱ్ఱివా నీవు
