ఈ పుట అచ్చుదిద్దబడ్డది
రేకు: 0213-03 సామంతం సం: 03-075 అధ్యాత్మ
పల్లవి:
పరుసము సోఁకక పసిఁడౌనా
పురుషోత్తముఁడే బుద్ధిచ్చుఁ గాక
చ. 1:
భువి భోగములకుఁ బుట్టిన దేహము
వివరపు మోక్షము వెదకీనా
యివల సకలమును యేలేటి దేవుఁడు
తవిలి రక్షింపుట ధర్మముఁ గాక
చ. 2:
బెరసి యాసలనే పెరిగేటి దేహము
ధరఁ గొంతయినాఁ దనిసీనా
అరుదుగ నంతర్యామగు దేవుఁడు
పొరిఁ బెర రేఁచుటే పొందౌఁ గాక
చ. 3:
ఘనమగు సంసారకారణ జీవుఁడు
తన సుజ్ఞానముఁ దలఁచీనా
వెనక మునుప శ్రీవేంకటపతియే
కనుఁగొని మమ్మిటు కాచుటఁ గాక
